Մի քանի օր առաջ «Չեմ վճարելու 150 դրամ» քաղաքացիական շարժման ակտիվիստները վտանգավոր բան արեցին՝ նրանք իշխանության խոսափողի համբավ ունեցող երեք հեռուստաընկերության արգելեցին լուսաբանել իրենց հանդիպումը Հանրային խորհրդի նախագահ Վազգեն Մանուկյանի հետ։ Պետք չէր այդպես վարվել մի քանի պատճառով, գրում է «Սիվիլնեթը»։
Աղբյուրի համաձայն, «Լրագրողին տարածքից հեռացնելուց առաջ նախ ճշտեք տարածքի կարգավիճակը, որտեղ տեղի է ունենում հանդիպումը։ Արդյո՞ք ձեր հավաքի պահին այն դադարում է լինել հանրային վայր։ Ի՞նչ էիք անելու լրագրողին, որը որոշել է մնալ, ինչպե՞ս էիք վարվելու նրա հետ ի վերջո։ Երկրորդ, հանրային տարածքում միջոցառում անցկացնելիս ձեր պրոբլեմը չէ, թե ով կգա լուսաբանելու, երբ դուք հեռացնում եք մի քանիսին, հանրային տարածքը դարձնում եք «Հարսնաքար»։
Երրորդ, հեռացնելով կոնկրետ լրատվամիջոցների, դուք անհարմար վիճակում եք դնում այն լրագրողներին, ում չեք հեռացնում։ Այդ պահից նրանք նույնպես կարգավիճակ ճշտելու խնդիր են ունենում, որովհետեւ էթիկական առումով տատանվում են խոսափող եւ լրագրող լինելու միջեւ։ Նրանց համար շոյվելու գայթակղությունը մեծ է, որ չեն հեռացվել, որ գնահատվել են ձեր մուննաթին չարժանանալով, բայց հարցը մնում է՝ հիմա ովքե՞ր ենք մենք՝ լրագրո՞ղ, թե՞ խոսափող։ Որովհետեւ եթե մյուսներին չեք հեռացնում, նշանակում է ձեզ աչքը եւ ականջը շոյող ինչ-որ բան գտել եք նրանց անդրադարձերում»։
Կարդացեք նաև
Հոդվածն ամբողջությամբ` սկզբնաղբյուր կայքում
