Թեև նախագահական ընտրությունները նոր են ավարտվել Հայաստանում, սակայն, նկատի ունենալով այն հանգամանքը, որ շատ երկրներում գործող նախագահները «իրավահաջորդ» են նախապատրաստում իրենց աթոռի համար՝ Aravot.am-ը քաղաքագետ Գագիկ Համբարյանից հետաքրքրվեց, թե ո՞վ կարող է Սերժ Սարգսյանից հետո զբաղեցնել երկրի ղեկը: «Այո, գրեթե բոլոր երկրներում էլ կա էդ համակարգը, որ վերջին հնարավորություն ունեցող նախագահը գերադասում է, որ իրեն հաջորդողը լինի իրեն մտերիմ մարդ և շարունակի իր քաղաքական գիծը, այսինքն՝ շարունակի իր քաղաքականությունը վարել և լինի գոնե իր կուսակիցը: Հայաստանը այդ համակարգից զերծ չէ, նույն Ռոբերտ Քոչարյանը Սերժ Սարգսյանին իր վերջին պաշտոնավարման ժամանակ պատրաստում էր որպես նախագահ: Հիմա Սերժ Սարգսյանը պիտի պատրաստի իր հաջորդին: Ընդդիմության դաշտից իհարկե կան քաղաքական գործիչներ, որոնք կարող են լինել նախագահի թեկնածու` թե դաշնակցականներից, թե Րաֆֆի Հովհաննիսյանը: Սակայն մեր ընդդիմությունն ու առհասարակ կուսակցականները գերադասում են դեռ թույլ չտալ երիտասարդներին դառնալ նախագահի թեկնածուներ: Դա էլ է հասկանալի, որ շատերը դեռ չեն հասել իրենց ուզածին և չեն ուզում, որ իրենց երիտասարդ գործընկերները, համակուսակիցները այդ ուղղությամբ աշխատանք տանեն: Ես հոգեբանորեն հասկանում եմ նրանց: Բայց միևնույն ժամանակ պետք է նշեմ, որ այս պահին միակ կուսակցությունը, որը քիչ թե շատ նախապատրաստված ուժեր ունի, դա Հանրապետականն է դեռ: Շատ շատերը կան էստեղից որպես երիտասարդ նախագահացուներ»: Իսկ ի՞նչ կասի քաղաքագետը ՀՀ նախագահի պաշտոնի թեկնածուների հարցում շրջանառվող տարբեր ՀՀԿ-ականների անունների մասին. «Խոսվում է տարբեր մարդկանց մասին, օրինակ, Էդուարդ Շարմազանովի մասին, գրագետ անձ է, այլ հարց է, թե իրեն ինչպես են ընդունում, որովհետև քաղաքականությունը շատ լայն հասկացություն է. շատ պոպուլյար մարդը կարող է միանգամից գցել իր վարկանիշը որևիցե քայլով կամ արտահայտությամբ, և կարող է անձը պոպուլյար չլինել , բայց վայրկենապես բարձրացնել իր իմիջը` հայտարարություն անելու միջոցով: Միգուցե նաև Տարոն Մարգարյանը նախագահի թեկնածու լինի, բայց ես գտնում եմ, որ Հանրապետականը ոչ միայն այս երիտասարդներին պիտի առաջադրի, այլ ուրիշ թեկնածուների ևս: Իսկ որ ամենակարևորն է` Հանրապետականը այս րոպեին պետք է ինքնամաքրվի, և սա , իմ կարծիքով, շատ լավ գիտակցում է ՀՀԿ-ի լիդերը: Վերջին իրադարձությունները ևս ցույց տվեցին, որ հասարակությունը պահանջում է նոր դեմքեր», -ասում է մեր զրուցակիցը:
Նունե ԱՐԵՎՇԱՏՅԱՆ
Յարգելի Նունէ,
Խնդրում եմ Ձեր ազգանունը (էջի վերին աջ անկիւնում) գրել ԱՐԵՒՇԱՏՅԱՆ, այլ ոչ ԱՐԵւՇԱՏՅԱՆ:
Շնորհակալ եմ,
Արթուր
Դատավորը բռնաբարության գործով դատավճիռը կարդալուց հետո դատական նիստը հայտարարում է փակված և ներկաներին առաջարկում է լքել դահլիճը:Բոլորը դուրս են գալիս,միայն տուժողը տեղից չի շարժվում:Դատավորը տեսնելով,որ տուժող(ովուրդ)ը դեռ իր տեղում է,հարցնում է, ,,տուժող,իսկ դուք ինչու չեք գնում?,,Տուժող( ովուրդ) ը զարմացած հարցնում է ,,դատավոր ջան,բա ես սենց բռնաբարված էլ պտի մնա՜ամ?:Ասելիքս այն է,որ վերը թվարկվածներից ով էլ հաջորդի այսօրվա նախագահին,մենք դարձյալ մնալու ենք այս անեկդոտի՝ տուժողի կարգավիճակում:
ՀՀԿն ինքնամաքրվի՞: Միամիտ ու ավելի շուտ ծիծաղելի միտք է դա: Մինչև ուղն ու ծուծը նեխած ու կոռումպացված ՀՀԿին միայն լուծարվելը կփրկի: Հակառակ դեպքում խայտառակ ձևով կտապալվեն ու կկործանվեն ինչպես թարախի բշտիկներն են վերանում ու մաքրվում առողջ օրգանիզմից:
Անփաստ ու պրիմիտիվ «վերլուծություն» պարոն «քաղաքագետի» կողմից:
Հիմնականում համաձայն եմ Armine G(3) կոմենտի հետ. Ումի՞ ց ‘ինքնամաքրվեն’- սաղ իրար պես են. ՓՈՂ են շփում:
ոնց վոր արեցին ես ընտրւտյներմ նւյն ել կանեն այդ յամանակ.եվրոպացիները կասեն ամեն ինչ անցելե նորմալ.եվրոպական ստանդարտնեի համապատասխան եվ վերչ.եվ Սերժ Ազատիչի նախընտրաց մարդը ձայների մեծամասնւթան կանցնի հաջողւթյան