Շնորհավորում եմ «Առավոտ» օրաթերթի 19-ամյակը:
19 տարին կարճ ժամանակահատված է, իսկ ստեղծագործական առումով` բավականին երկար ուղի: «Առավոտն» այս ընթացքում դարձել է Անկախ Հայաստանում չորրորդ իշխանության հիմնաքարերից մեկը եւ այսօր լրատվական դաշտը դժվար է պատկերացնել առանց այս լրատվամիջոցի: «Առավոտը» սիրում են բոլորը: Խմբագրակազմն այդ ճանաչմանն արժանացել է իր անկողմնակալ հոդվածներով, որոնցում շատ հաճախ քննադատությունը սուր է, բայց ոչ վիրավորող:
Ինձ` որպես մարզաշխարհի ներկայացուցչի, ուրախացնում է նաեւ առավոտցիների ակտիվությունը գործնականորեն առողջ ապրելակերպ վարելու եւ պրոպագանդելու գործում, աշխատակիցների ակտիվ մասնակցությունը ԶԼՄ-ների միջեւ կազմակերպվող ամենատարբեր մարզական միջոցառումներին, որոնցից շատերի նախաձեռնողը հենց իրենք են: Այդպես ծնվեց նաեւ այս տարի առաջին անգամ ՀԱՕԿ-ի կազմակերպած լրատվամիջոցների միջեւ սպարտակիադա անցկացնելու գաղափարը: Դրա համար էլ «Առավոտը» լինելով արդեն հասուն լրատվամիջոց, շարունակում է աշխատել երիտասարդական ավյունով:
Շնորհավորում եմ «Առավոտի» 19-ամյակը եւ մաղթում երկար ու բեղմնավոր ստեղծագործական կյանք»:
Կարդացեք նաև
Հրաչյա Ռոստոմյան
ՀԱՕԿ-ի գլխավոր քարտուղար
