Ընտանիքով Հայաստան այցելելու դեպքում ավտոմեքենան ձեռնտու է
Տավուշի մարզում ուղեւորափոխադրումներ կատարող վարորդներից մեկը մեզ հայտնեց, որ հուլիսի 29-ին Իջեւան-Նոյեմբերյան 65 կմ երկարությամբ ճանապարհին ինքը հանդիպել է հանդիպակաց երթեւեկող, ռուսական համարանիշներով մոտ 35 ավտոմեքենայի: Վարորդի խոսքերով՝ այդ ճանապարհին իրեն հանդիպած հայկական համարանիշներով ավտոմեքենաները թվով ավելի քիչ էին:
Ամռան սեզոնին Ռուսաստանից մեր հայրենակիցները , հիմնականում Բագրատաշենի անցակետով, ժամանում են Հայաստան՝ մի մասը ավելի էժան գներով ատամնաբուժական խնդիրները լուծելու, մյուսները՝ իրենց ծննդավայրը, բարեկամներին տեսնելու համար: Ռուսաստանաբնակ հայերը հաշվարկել են, որ ընտանիքով ավտոմեքենայով Հայաստան գալու դեպքում տրանսպորտային ծախսը , օդանավից օգտվելու համեմատ, 4-5 անգամ էժան է :
Ոսկան ՍԱՐԳՍՅԱՆ
