ՄԱԿ-ի մարդու իրավունքների խորհրդի ստրկության գծով հատուկ զեկուցող Գյուլնարա Շահինյանը ամիսներ առաջ մասնակցել է «Վիեննա + 20. առաջ տանելով եւ պաշտպանելով մարդու իրավունքները» համաժողովին, որն առաջին անգամ կազմակերպվել էր 20 տարի առաջ: Համաշխարհային համաժողովին մասնակցում էին աշխարհի տարբեր երկրներից ժամանած շուրջ 100 փորձագետներ, որոնք աշխատանքային երեք խմբերում քննարկել են մարդու իրավունքների պաշտպանությանը վերաբերող մի շարք հիմնախնդիրներ:
Առաջին աշխատանքային խմբում խոսվել է պաշտպանության հասանելիության, պաշտպանության մեխանիզմների արդյունավետ աշխատանքի մասին: Անդրադարձ է կատարվել նաեւ մարդու իրավունքների պաշտպանի ինստիտուտին: Քննարկվել է նաեւ այն հարցը, թե ինչքանով կարող են ուժեղացնել ՄԱԿ-ի կոնվենցիաները, քանի որ կոնվենցիաները կան, բայց, կարծես թե, մարդու իրավունքները շատ առաջ չեն գնացել: Առաջարկվել է նոր մեխանիզմ ստեղծել՝ համաշխարհային դատարան, որին ուղիղ, առանց վախի դիմեն անձինք:
Երկրորդ աշխատանքային խումբն անդրադարձել է կանանց անհավասար լինելուն, նրանց դեմ բռնության ֆենոմենին, այն խոչընդոտներին, որոնք կանանց խանգարում են պաշտոններ ստանալ եւ զբաղվել քաղաքականությամբ: Աշխատանքային երրորդ խմբում անդրադարձել են հազարամյակի մարտահրավերներին, որոնք ավարտվելու են 2015-ին: Փորձագետներն այս առիթով կարեւորել են այն, որ ծրագրի կենտրոնում լինի մարդը: Գ. Շահինյանը տեղեկացրեց, որ ամփոփվել են երեք խմբի արդյունքները, որոնք ուղարկվելու են Մարդու իրավունքների խորհուրդ:
Հետաքրքրվեցինք` կանանց դեմ բռնությունների եւ խտրականությունների խնդիրը ո՞ր երկրներում է ավելի սրված: Գ. Շահինյանը պատասխանեց. «Խնդիրը գերիշխող է հատկապես աֆրիկյան եւ ասիական երկրներում: Մյուս կողմից էլ չկա մի երկիր, որտեղ չլինի կանանց դեմ խտրականություն»:
Կարդացեք նաև
Ամբողջական հոդվածը՝ վաղվա «Առավոտ»-ում:
Տաթեւ ՀԱՐՈՒԹՅՈՒՆՅԱՆ
