Հուլիսի 28-ին, ժամը 01:51-ին ահազանգ է ստացվել, որ Արագածոտնի մարզի Լուսագյուղ գյուղի մոտակա սարում՝ մարմարի հանքավայրի մոտակայքում, ավտոմեքենանա է արգելափակվել քարաբեկորների մեջ, իսկ վարորդն ու ուղեւորները ցածր տեսանելիության պատճառով մոլորվել են. անհրաժեշտ է օգնություն:
Ըստ արտակարգ իրավիճակների նախարարության, դեպքի վայր է մեկնել մեկ մարտական հաշվարկ: Հրշեջ-փրկարարները Չքնաղ գյուղի սարերում հայտնաբերել են «Միցուբիշի Մոնտերո» մակնիշի ավտոմեքենան (վարորդ` Ա. Մ., ծնվ.1990 թ., ուղեւորներ՝ Մ. Կ., ծնվ.1993 թ., Ս. Կ., ծնվ.1980 թ, Ա. Ն., ծնվ.1982 թ ե Տ. Գ., ծնվ.1983թ.) և դուրս բերել արգելափակումից:
Քաղաքացիներին եւ ավտոմեքենան անվտանգ տեղափոխել են հրշեջ-փրկարարական ջոկատ: Առավոտյան քաղաքացիները վերադարձել են իրենց բնակության վայր: Տուժածներ չկան:
