Անխոս, փորձեր են ձեռնարկվել քաղաքական հարթություն տեղափոխելու քաղաքացիական շարժումը, որը ձեւավորվել էր հասարակական տրանսպորտի ուղեվարձի թանկացման դեմ, NEWS.am-ի հետ զրույցում ասել է ՀՀԿ-ական պատգամավոր, ԱԺ նախկին նախագահ Սամվել Նիկոյանը:
Նրա խոսքով, քաղաքապետի կողմից իր որոշումը կասեցնելուց հետո հնչել են տարբեր քաղաքական հայտարարություններ: «Անհրաժեշտ է միշտ տարբերել հանրային շահերը քաղաքական շահերից: Ներկայիս քաղաքացիական շարժումը չի կարող վերաճել սոցիալական բունտի մեկ պատճառով, Երեւանի քաղաքապետն ընտրվել է բնակիչների կողմից եւ միշտ պատրաստ է լսել նրանց»,- ընդգծել է Սամվել Նիկոյանը: նա նաեւ հավելել է, որ անհրաժեշտ է շատ նորմալ վերաբերվել այդ գործընթացներին, քանի որ դրանք ժողովրդավարական են:
