Զարուհի Փոստանջյանը կառաջադրվի՞ Սյունիքի մարզի թիվ 38 ընտրատարածքում
-Տիկին Փոստանջյան քիչ առաջ տեղեկացանք, որ Դուք Կապան եք այցելել այսօր: Մեր ունեցած տեղեկություններով՝ առաջիկայում մատադիր եք որպես պատգամավորի թեկնածու առաջադրվել թիվ 38 ընտրատարածքում եւ այսօրվա այցը կապված էր դրա հետ: Որքանո՞վ են այս տեղեկությունները համապատասխանում իրականությանը:
-«Ժառանգությունը» մտադրություն ունի թիվ 38 ընտրատարածքում առաջադրելու իր թեկնածուին, իսկ մնացած հարցերի վերաբերյալ տեղի կունենա հավանաբար համապատասխան քննարկում եւ կկայացվի համապատասխան որոշում: Իսկ այս պահին հստակեցված չէ, թե ով կառաջադրվի «Ժառանգությունից», բայց որ «Ժառանգությունը» մտադիր է թեկնածու առաջադրել, դա միանշանակ է:
-Իսկ ինչո՞վ էր պայմանավորված այդ որոշումը եւ որքանո՞վ եք հավանական համարում Ձեր առաջադրած թեկնածուի ընտրվելը Կապանի եւ Մեղրու տարածաշրջաններում:
Կարդացեք նաև
-Քաղաքական կուսակցությունը պարտավոր է ցանկացած քաղաքական իրադարձությանն իր մասնակցությունը ցաւցաբերի, հետեւյալ դեպքում էլ մենք պետք է մեր մասնակցությունը ցուցաբերենք այս քաղաքական գործընթացին:
-Իսկ դուք անձամբ ցանկությո՞ւն ունեք առաջադրվելու թիվ 38 ընտրատարածքում:
-Ինչու ոչ: Շատ կարեւոր տարածաշրջան է եւ ես շատ եմ սիրում Սյունիքի մարզը:
-Վերջնական ե՞րբ պարզ կլինի «Ժառանգության» պատգամավորի թեկնածուի անունը:
-Երբ սկսվի առաջադրումների փուլը՝ դուք կտեղեկացվեք:
Նշենք, որ նախագահական ընտրություններին «Ժառանգություն» կուսակցության առաջնորդ Րաֆֆի Հովհաննիսյանին առավել ձայներ վստահած Կապանում այսօր արդեն շատերի մոտ հիասթափություն եւ անվստահություն է նկատվում Րաֆֆի Հովհաննիսյանի ու «Ժառանգության» նկատմամբ:
Հիշեցնենք, որ Կապանի եւ Մեղրու տարածաշրջաններն ընդգրկող թիվ 38 ընտրատարածքի պատգամավոր Վահե Հակոբյանին մարզպետ նշանակելուց հետո, սեպտեմբերի 29-ին թիվ 38 ընտրատարածքում Ազգային ժողովի մեծամասնական ընտրակարգով պատգամավորի լրացուցիչ ընտրություններ են նշանակվել:
Թեկնածուների առաջադրումը լինելու է օգոստոսի 5-15-ն ընկած ժամանակահատվածում, իսկ քարոզարշավը մեկնարկելու է սեպտեմբերի 1-ին:
Մերի ՍՈՂՈՄՈՆՅԱՆ
Զարուհի Փոստանջյանը այսքան ժամանակ (հարավային) Սյունիքի համար շատ ու շատ ավելին է արել,քան էդ «արդար կերպով ընտրված» ՀՀԿ-ական ‘պատգամավորները’ միասին վերցրած:
հարգելիներս, դուք տպավորություն եք ստեղծում, որ վեռջի սյունյակի խոսքերը Զարուհունն են, այլ ոչ ժ-ուռնալիստինը, փոխեա շրիֆտի հաստությունը, խնդրում եմ