«Պարոն Անդրեասյան, հնարավո՞ր է, որ դատավարությունից հետո, եթե Հրաչյա Հարությունյանը մեղավոր ճանաչվի, արվի այնպես, որ նա պատժի մնացած մասը կրի Հայաստանում», ԳԱԼԱ-ի այս հարցին ի պատասխան ՀՀ մարդու իրավունքների պաշտպան Կարեն Անդրեասյանը պատասխանել է` «Նախ ուզում եմ, որ ի սկզբանե չարագուշակ կանխատեսում չանենք, որ անպայման Հրաչյան պետք ճանաչվի մեղավոր այս ամեն ինչում: Նախ նրա մեղքը ճանաչված չէ եւ հարգելով անմեղության կանխավարկածը՝ եկեք չշտապենք եւ նրան արդեն չդատապարտենք պատժի կրման: Իսկ ինչ վերաբերվում է նրան, որ եթե իսկապես վերջում որոշվի, որ նա մեղավոր է եւ պետք է կրի ազատազրկմամբ պատիժ, ապա արդեն այդ ժամանակ կարող են մեր համապատասխան մարմինները՝ հատկապես արդարադատության նախարարությունը միջոցներ ձեռնարկել, որպեսզի եթե նա դատապարտվի, ապա պատժի մնացած մասը նա կրի Հայաստանում»:
Հարցազրույցն ամբողջությամբ` սկզբնաղբյուր կայքում:
