«Sovsport.ru»-ն Մոսկվայի «Սպարտակի» նորեկ Արաս Օզբիլիսի կենսագրությունից յոթ հետաքրքիր փաստ է ներկայացրել Ռուսաստանի ֆուտբոլասեր հասարակությանը, որոնցից ներկայացնում ենք երեքը:
Կիպրոսահայը
«Արասը ծնվել է 1990 թվականի մարտի 9-ին՝ հայկական ընտանիքում: Ֆուտբոլիստի ընտանիք ներկայացնում է կիպրոսահայությունը, որն ապրել է Պատմական Հայաստանի տարածքում՝ Արեւմտյան Հայաստանում, որը մտնում է ժամանակակից Թուրքիայի կազմի մեջ: Լարված իրավիճակը Արասի ընտանիքին հարկադրել է տեղափոխվել Հոլանդիա»:
Օզբիլիսը 5 լեզու գիտի
Կարդացեք նաև
«Կրթված ֆուտբոլիստը միշտ էլ հաճելի մարդ է: Արասը դասվում է այդպիսիների շարքին: Նա տիրապետում է հինգ լեզուների. անգլերեն հայերեն, հոլանդերեն, թուրքերեն, ռուսերեն: Վերջին լեզուն նա կատարելագործում է օր-օրի, որպեսզի հասկանա մարզչին եւ ակումբակիցներին»:
Իսկական հայրենասերը
«Եթե անձնական ցանկությունը չլիներ, Արաս Օզբիլիսը կարող էր նաեւ հանդես չգալ Հայաստանի ազգային հավաքականում, քանի որ «Այաքսի» հոլանդացի մարզիչը հնարավոր բոլոր միջոցներով աշխատում էր ֆուտբոլիստին հետ պահել իր պատմական հայրենիքի ազգային թիմում խաղալու մտադրությունից: Մարզիչը դա հիմնավորում էր նրանով, որ Հոլանդիայի ընտրանիում նա հավաքականների մակարդակով ավելի հեշտ ու իրական հաջողությունների կհասնի: Ինքը՝ ֆուտբոլիստը, բազմիցս նշել է, որ երջանիկ է Հայաստանի ազգային հավաքականում հանդես գալու համար, որի օգտին ընտրությունը կատարել է 2010 թվականին»:
Աշոտ ՀԱԿՈԲՅԱՆ
