Քաղաքապետի երեկվա զիջումը`ուղեվարձի թանկացման որոշումը կասեցնելու մասին, Հայաստանի մարքսիստական կուսակցության նախագահ Դավիթ Հակոբյանը համարում է ժամանակավոր: «Ընդդիմության գերագույն խնդիրը եղել եւ մնում է վիկինգների իշխանության, ղարաբաղյան իշխանավորների ամբողջական եւ անվերապահ կապիտուլյացիան: Այլ ճանապարհ չկա: Նոր արտահերթ խորհրդարանական ընտրություններ, նոր կառավարություն եւ նոր տնտեսական քաղաքականություն: Սա է ընդդիմության գլխավոր խնդիրը»,- ասում է մարքսիստը`հավելելով, որ այս խաբուսիկ ժամանակավոր զիջումով ոգեւորվել պետք չէ. «Նոր թափով պետք է շարունակել պայքարը: Առաջին հերթին, բոլոր ընդդիմադիր ուժերը պետք է միասնական լինեն`առանց կուսակցական պատկանելիության: Առաջադիմական բոլոր ուժերը, որոնց համար թանկ է հայկական քաղաքակրթությունը, որոնց համար հայկական հանրապետության ու պետականության լինել-չլինելը մտահոգիչ է, պետք է միավորվեն առանց կուսակցական պիտակների`ապստամբության դրոշ պետք է բարձրացնեն»:
Դավիթ Հակոբյանը կոչ է անում արտահերթ պառլամենտական ընտրությունների հասնել մինչեւ նոյեմբերի 29-ը` ԵՄ-ի հետ ասոցացման համաձայնագրի ստորագրումը, որպեսզի կանխվի Հայաստան-ԵՄ ալյանսը: Նա գտնում է, որ մեր երկրի տեղը Եվրասիական միությունում է:
Նելլի ԳՐԻԳՈՐՅԱՆ
Հայաստանը ՈՉԻՆՉ ՉՈՒՆԻ փնտրելու ֆեոդալական դիկտատուրա Ռուսաստանի ՀԵՐԹԱԿԱՆ քաղաքական ծուղակ «Եվրասիական միությունում»: Այլևս ՈՉ ՄԻ հայ ռուսական-սիբիրյան գուլագներում: