Երեւանի ներքաղաքային տրանսպորտի ուղեվարձի թանկացման քաղաքապետարանի նախաձեռնությունն ու դրա դեմ հզոր բողոքի ակցիան ինձ հիշեցրին ոչ հեռու անցյալի դեպքերը, երբ պետությունը որոշեց մոտ 25 միլիոն դրամով պատժել ԳԱԼԱ (Գյումրիի անկախ լրատվական ալիք) մարզային հեռուստաընկերությանը: Այսօրվա նման համընդհանուր ընդվզում եղավ, ստեղծվեց ԳԱԼԱ-ի պաշտպանության հանձնախումբ, դրամահավաք կազմակերպվեց ու 25 միլիոն դրամը հավաքվեց: Տեղեկություններ կան, որ դրամահավաքին մասնակցել են անգամ օտար պետությունների քաղաքացիներ: Այսօր ԳԱԼԱ-ն լրատվական դաշտում երեւացող լրատվամիջոց է:
Իսկ Տարոն Մարգարյա՞նը: Նրա որոշման դեմ բողոքող քաղաքացիներին օգնում են բոլորը, ով ինչով կարող է, տարիներ առաջ ԳԱԼԱ հեռուստաընկերությանը օգնում էին մարդիկ, որոնք ԳԱԼԱ-ի ղեկավար Վահան Խաչատրյանից կախում չունեն: Իսկ Տարոն Մարգարյա՞նը:
150 դրամ ուղեվարձ սահմանելը փորձում է հիմնավորել Երեւանի քաղաքապետարանի տրանսպորտի վարչության պետը, որին «Երեւան քաղաքում տեղական ինքնակառավարման մասին օրենքի» 52-րդ հոդվածի համաձայն՝ նշանակում եւ ազատում է քաղաքապետը: Նույնը անում է Երեւանի քաղաքապետի օգնականը, որին «Երեւան քաղաքում տեղական ինքնակառավարման մասին օրենքի» 48-րդ հոդվածի համաձայն, նշանակում եւ ազատում է քաղաքապետը: Մեկ էլ գծատերերն են բողոքում, որոնց ցանկացած պահի կարող է նեղել քաղաքապետը: Մարդիկ, որ Տարոն Մարգարյանից կախում, ունեն: Վիճակն այնքան վատ է, որ վարչության պետին ու օգնականին օգնում են նրանց հարազատները` ակտիվիստներն են նկարել:
Տարոն Մարգարյանի հարազատ կուսակցությունից, անգամ հարազատ Ավանից, մինչ այսօր ձայն չէին հանում Տարոն Մարգարյանից կախում չունեցող մարդիկ:
Կարդացեք նաև
Երեւանի ավագանու ընտրության ժամանակ լրատվամիջոցներն արձանագրել են, որ Ավանում Սերժ Սարգսյանին հայհոյում են, բայց սիրով ձայն տալիս Տարոն Մարգարյանին, դե նա «մեր տղեն է, Ավանը շենացրեց, մաքրեց, կանաչապատեց»: Իսկ այսօր Տարոն Մարգարյանը մենակ է: Անգամ պատգամավոր աներձագն է լռում, որի առաջխաղացման հարցում անուրանալի է Տարոն Մարգարյանի դերը:
Աստծո 10 պատվիրաններից վերջինը պատգամում է «Ոչ քո մերձավորի տան, ոչ նրա ագարակի վրա աչք մի ունեցիր: (Ելից. 20:17)»: Հիանալի է ասված: Մնում է հետեւեն 150 դրամ ուղեվարձ սահմանելու կողմնակիցները:
Արամ ԶԱՔԱՐՅԱՆ
Գայլերի ոհմակին բնորոշ է վիրավոր գայլին խժռելը:
Ցավոք հայաստնում ղեկավարվում են ոչ թե գազափարական հենքերը նկատի ունենալով, այլ հաշվի առնելով թե ում ՏՂԵՆ Է; Դե դրանց տղեքն էլ մտավոր ունակություններով մի փոքր տհաս են:
Արդյունքւոմ ունենք այն ինչ ունենք: տարոՍիկներ: