Այսօր «տրանսպորտային ակցիան» շարունակողներն ամեն ինչ անում էին օրենքի սահմաններում, առանց հասարակական կարգ խախտելու, կազմակերպված: Ոստիկանները վերահսկում էին նրանց ծավալած գործունեությունը: Երիտասարդները չէին խոչընդոտում երթեւեկությանը, ինչը չի կարելի ասել ոստիկանության մասին:
Տեսնելով, որ անվճար սպասարկող ավտոմեքենաների թիվն ավելանում է, ոստիկանները սկսեցին թույլ չտալ վարորդներին կանգնել, մարդ վերցնել, իսկ ակտիվիստները նրանց հիշեցրեցին, որ յուրաքանչյուր ավտոմեքենա կարող է մինչեւ 5 րոպե կանգնել կանգառում, եւ որ այդ ավտոմեքենաները ընդամենը 1-2 րոպե են կանգնում ու չեն խանգարում:
Դերասաններ Հայկ Մարությանը, Անդրանիկ Հարությունյանը, Լալա Մնացականյանը, Սերգեյ Դանիելյան (Յոժ), նաեւ Անի Քոչարն ու Ալեն Սիմոնյանը, որոնք եւս պայքարում են անհարկի թանկացած տրանսպորտի դեմ՝ այսօր եւս սպասարկում էին քաղաքացիներին:
Նրանց շարքերը գնալով համալրվում են, նրանց են միացել այլ դերասաններ, հեռուստահաղորդավարներ, հասարակությանը հայտնի անհատներ:
Կարդացեք նաև
Եվա ՀԱԿՈԲՅԱՆ
