Այս տարի Հայաստանը, Վրաստանը և Մոլդովան կարող են նախաստորագրել, իսկ մյուս տարի ստորագրել Եվրոմիության հետ ազատ առևտրի մասին համաձայնագրեր, ասել է Լիտվայի արտգործնախարար Լինաս Լինկյավիչյուսը: Հայտնում է «Դելո» լրատվականը:
«Ազատ առևտրի մասին նախաստորագրելու համաձայնությունը Մոլդովայի, Վրաստանի և, հավանաբար, Հայաստանի հետ մենք կարող ենք ակնկալել մինչև Վիլնյուսի գագաթաժողովը: Այդժամ կփորձենք ստորագրել որքան հնարավոր է շուտ: Լավ կլիներ դա անել, քանի դեռ ԵՄ-ում գործում է այս հանձնաժողովը, – Բրյուսելից հեռախոսով «Բալթիկ նյուզ սերվիս»-ին Լինկյավիչյուսը ասել է երկուշաբթի երեկոյան:
Այժմյան Եվրահանձնաժողովի ժամկետը լրանում է մյուս տարվա երկրորդ կեսին:
Ազատ առևտրի վերաբերյալ բանակցությունները Վրաստանն ավարտել է երկուշաբթի, Մոլդովան դա արել է ավելի շուտ, իսկ Հայաստանը հույս ունի ավարտել բանակցությունները մոտակա օրերին:
Կարդացեք նաև
«Արևելյան գործընկերության» գագաթաժողովը կանցկացվի Նոյեմբերին, Վիլնյուսում:
Պատրաստեց Հովհաննես ԻՇԽԱՆՅԱՆԸ
