Քըրք Քըրքորյանի նախկին կինը և այլ ամուսնությունից նրա որդին հետ են վերցրել 96-ամյա միլիարդատերի խնամակալը դառնալու իրենց դատական հայցերը: Հայտնում է «Դեյլի նյուզ» թերթը:
Լոս Անջելեսի դատարանից հայտնել են, որ Լիզա Բոնդեր Քըրքորյանը իր դիմումը, որով պնդում էր, թե նրա նախկին ամուսինը չի կարող իր մասին հոգ տանել, հետ է վերցրել հինգշաբթի, իսկ նրա տղան՝ Թեյլոր Կրեյսը երկուշաբթի օրը:
Նրանց փաստաբանը հրաժարվել է մեկնաբանել, թե ինչու է փոխվել իր հաճախորդների որոշումը:
Քըրք Քըրքորյանի փաստաբան Մարգարեթ Լոդիզը դատարանում պնդում էր, որ Բոնդերը և Կրեյսը ուզում էին դառնալ Քըրքորյանի խնամակալները, որպեսզի ճնշում գործադրելով՝ կորզեն Բոնդերի դստեր՝ Կիրայի ալիմենտի ամսական 500 հազար դոլար վճարը: Բոնդերը պնդում է, որ Քըրք Քըրքորյանն է իր դստեր հայրը, վերջինս պնդում է, որ ինքը չէ, բայց նախկինում համաձայնել է ալիմենտ վճարել:
Կարդացեք նաև
Քըրք Քըրքորյանը և Բոնդեր Քըրքորյանն ամուսնացել են 1999թ., ամուսնությունը տևել է չորս շաբաթ: 47-ամյա Բոնդերը պրոֆեսիոնալ թենիս խաղացող է եղել:
Պատրաստեց Հովհաննես ԻՇԽԱՆՅԱՆԸ
