ՀԱԿ խմբակցության պատգամավոր Նիկոլ Փաշինյանն այսօր եղել է ոստիկանության Կենտրոնի բաժնում եւ տեղեկություններ է ստացել բերման ենթարկված ակտիվիստների մասին:
Նիկոլ Փաշինյանի խոսքերով՝ «Երեկվա բերման ենթարկածների հետ կապված ինձ ասացին, որ քրեական գործ է հարուցված՝ ՔրՕրի 316 եւ 185 հոդվածների հատկանիշներով: Սա, ինչ որ ասել են, ճիշտ է, պաշտոնյաներն են ասում, բայց՝ բանավոր են փոխանցում: Ակտիվիստների կարգավիճակն այս պահին բերման ենթարկվածների կարգավիճակ է, այսինքն` նրանք այս պահին չունեն կասկածյալի կամ մեղադրյալի կարգավիճակ»:
Նիկոլ Փաշինյանին նաեւ ասել են, որ բերման ենթարկվածների հետ կապված փաստաթղթերը եւ գործը փոխանցում են քննչական բաժին. «Առայժմ որեւէ մեկը չի կարող ասել, որ բերման ենթարկվածները կներգրավվեն որպես կասկածյալ կամ մեղադրյալ: Բայց մյուս կողմից հակառակն էլ որեւէ մեկը չի կարող երաշխավորել>:
Նշենք, որ ՔրՕրի 185 հոդվածը վերաբերում է ուրիշի գույքը դիտավորությամբ ոչնչացնելուն եւ վնասելուն, իսկ 316 հոդվածը վերաբերում է իշխանության ներկայացուցչի նկատմամբ բռնություն գործադրելուն:
Կարդացեք նաև
Հռիփսիմե ՋԵԲԵՋՅԱՆ
