«Այսօր ում թուրը ոնց կտրում է, օգտվում է պատերազմի մասնակցի արտոնություններից: Մեր պետական այրերը մոռանում են այն մարդկանց ու պատերազմի մասնակիցներին, որոնք մատնված են սովի,-այսօր «Պոստ Սկրիպտում» մամուլի ակումբում հայտարարեց «Կոռնիձոր» ջոկատի հրամանատար Արայիկ Խուդավերդյանը:
Ազատամարտիկները կոչ են անում պետական այրերին, որ ազատամարտիկին դնեն իրենց կարգավիճակին, ստեղծվի օրենք ազատամարտիկի և պատերազմի մասնակիցների մասին:
«Փառապանծ մարտիկներ» ռազմահայրենասիրական միության նախագահ, գեներալ Գրիշա Սարգսյանը վրդովված ասաց. «Ռազմաճակատում, երբ մեկը գերեւարվում է, դա կարող է պատահել անհավասար պայմաններում: Բայց այսօր խաղաղության պայմաններում ազատամարտիկները լքում են իրենց, իսկ ազատագրած հողը, գնում կամավոր հանձնվում այլ երկրներում: Մեր իշխանավորները պիտի հասկանան, որ ոչ շքեղ մեքենաները, ոչ թափառող շները պետություն չեն պահում»:
ԱԺ-ում ազատամարտիկների մասին օրենքի քննարկումների մասին պարոն Սարգսյանն ասաց հետևյալը. «Աչքներից թոզ փչեցին, թե դա ազատամարտիկի մասին օրենք է: Բայց դա վերաբերվում էր ԵԿՄ-ի մասին օրենքին, իսկ այնտեղ գրանցված են մարդիկ, որոնք ազատամարտի հետ ընդհանրապես կապ չունեն»: Ըստ նրա՝ «այսօրվա թալան թրաշը վաղը պատերազմով կկորցնեն»:
Կարդացեք նաև
Ազատամարտիկները նեղսրտած են, թե սայլը տեղից չի շարժվում, քանի որ կարծում են, որ պատգամավորները, որ նստած «կնոպկա» են սեղմում, իրենք բարձր մակարդակով ապահովել են իրենց ապահով կյանքը ազատամարտիկների հաշվին»:
Իսկ ազատամարտիկ Հարություն Ստեփանյանը խորհուրդ է տալիս կառավարությանը մշակել օրենքի նախագիծ իսկապես ազատամարտիկների մասին և հետևողական լինել դրա ընդունման հարցում: Նա նաև առաջարկում է, որ վերանայվի նախարարությունների քանակը:
Տաթև ՀԱՐՈՒԹՅՈՒՆՅԱՆ
