Կապանի Երկրագիտական թանգարանը նախկինում տեղակայված է եղել ներքնահարկում, ինչի պատճառով բազմաթիվ նյութեր են վնասվել, այդ թվում՝ գորգեր, փայտե նյութեր: Aravot.am-ի հետ զրույցում Երկրագիտական թանգարանի տնօրեն Գրիշա Սմբատյանը նշեց, որ ունեն շարքից դուրս եկած նյութերի ցուցակներ: Այժմ, թանգարանը բարվոք պայմաններով տարածքում է, զբաղեցնում է շենքի երկու հարկ եւ կողքի օժանդակ կառույցը: «Հարուստ կերամիկա ունենք, բրոնզեդարյան հրաշալի մշակույթ, ինչը ցավոք չի ցուցադրվում՝ ուղղակի ցուցափեղկեր չկան» ,-ասում է մեր տնօրենը:
Ի դեպ, թանգարանի ինքնատիպ ցուցանմուշները ցուցադրվում են աշակերտական նստարանների վրա:
Անցյալ տարի, երբ ՀՀ նախագահն այցելել է Երկրագիտական թանգարան, տնօրենը հայտնել է այդ խնդրի մասին, ու այժմ կառավարությունը 7 մլն դրամ է հատկացրել: «Կարծում եմ, դա իրականություն կդառնա, հավանաբար սեպտեմբերին գումարը կտրամադրվի մեզ, եւ այդ միջոցները կօգտագործվեն, նախևառաջ երկրորդ հարկում մեր հնագիտական սրահը բացելու ու մեր հատկապես բրոնզեդարյան եզակի մշակույթը ներկայացնելու համար» -հույս ունի տնօրենը:
Մանրամասները՝ վաղվա տպագիր «Առավոտում»:
Կարդացեք նաև
Գոհար ՀԱԿՈԲՅԱՆ
