«Սատուրն» գրական կեղծանունով հանդես եկող իջեւանցի բանաստեղծ Ասատուր Իսպիրյանը գովերգելով իր համերկրացի, ընդդիմադիր քաղաքական գործիչ Նիկոլ Փաշինյանին, նրան համարել է համար մեկ ահաբեկիչ, Փաշինյանին նաեւ անվանել է մեր ժամանակների Նիկոլ Դուման; Ահավասիկ, Ֆեյսբուքում Ասատուր Իսպիրյանի կողմից տարածված բանաստեղծությունը.
«Նիկոլ Դուման Փաշինյան
Ուզում եմ գովերգել Նիկոլ Փաշինյանին`
Մեր ժամանակների Նիկոլ Դումանին,
Մեր ժամանակի համար մեկ ահաբեկիչին,
Որի ահից պապանձվում են լեզուները վերին ատյանների,
Որի առջևը լեզուներն են կուլ տալիս
Ճարտար վարպետները կոկված բառերի,
Առյուծասիրտ զավակը իր սեգ ժայռերի,
Մեր վսեմ բնության արժանի ժառանգը չքնաղ Իջևանի,
Շառաչող ճշմարտության հորդաբուխ գետ է նա մի
Սարերից իջնող հայրենի եզերքի,
Երկնի պես զուլալ մեր սպիտակ ջրի…
Նշենք, որ ավելի վաղ Ասատուր Իսպիրյանը բանաստեղծություն էր ձոնել Զարուհի Փոստանջյանին:
Կարդացեք նաև
Ոսկան ՍԱՐԳՍՅԱՆ
Լուսանկարը՝ Ասատուր Իսպիրյանի ֆեյսբուքյան էջից
Այսպիսի բանաստեղծություն կարող է գրել ցանկացած մարդը ով տառաճանաչ է: Մի խելքը գլխին բան գրեիր, որ մարդ հիշի, ա՛յ «Թումանյան»: