Ապարան քաղաքի ընդհանուր իրավասության դատարանում հուլիսի 22-ին քննվելու է ՀՀ քաղաքացիներ Ջոնիկ եւ Նարեկ Հովհաննիսյանների եւ Գեղամ Հակոբյանի նկատմամբ հարուցված քրեական գործը:
Դատական տեղեկատվական համակարգը տարածել է մեղադրական եզրակացությունը, համաձայկն որի երեք տղա 2013թ մարտի 16-ին, նախնական համաձայնության գալով եւ հաստատապես իմանալով,որ Հայկուշ Մելոյանը անչափահաս է, առեւանգելու միջոցով նրա հետ Ջոնիկ Հովհաննիսյանի ամուսնանալու նպատակով, նրա նկատմամբ բռնություն գործադրելով, նրա կամքին հակառակ նստեցրել են Ս. Գրիգորյանի վարած տաքսի ավտոմեքենան եւ փորձել առեւանգել, սակայն ճանապարհին հայտնաբերվել եւ ոստիկանության Աշտարակի բաժին բերման են ենթարկվել:
Անչափահասները նախկինում դատված չեն եղել: Հիմա նրանք հսկողության են վերցվել` մինչ դատավճիռ:
