Ազատ դեմոկրատներ կուսակցության հայտարարությունը
Ազատ դեմոկրատներ կուսակցությունը արտահայտում է իր խորին մտահոգությունը Հայաստանում հանրային տրանսպորտի ուղեվարձի չհիմնավորված աճի կապակցությամբ: Այդ երեւույթը, որը պատճառաբանվում է տնտեսական նպատակահարմարությամբ, իրականում պայմանավորված է ազատ մրցակցության բացակայությամբ եւ այդ ոլորտում տնտեսվարող սուբյեկտների համար գերշահույթ ապահովելու մտադրությամբ ու նպաստում է սոցիալական ճգնաժամի խորացմանը եւ բնակչության, հատկապես նրա անապահով շերտի հետագա սնանկացմանը: Հանրային տրանսպորտի բնականոն եւ քաղաքացու շահերից բխող գործառնությունը, առաջին անհրաժեշտության ապրանքների եւ ծառայությունների հետ մեկտեղ, գտնվում է պետության առաջնային պարտավորությունների շրջանակում:
Անհրաժեշտ ենք համարում անհապաղ լուծում տալ այդ խնդրին` ստեղծելով իրապես ազատ մրցակցային պայմաններ, որը կվերացնի անհամաչափ ու չհիմնավորված գնաճը եւ կբերի լավագույն գնային առաջարկի: Այլապես մեր քաղաքացին հերթական անգամ կվճարի կառավարման բոլոր թերացումների եւ ոչ կոմպետենտ տնտեսվարման հետեւանքով առաջացած բացթողումների համար, ինչը ոտնահարում է ՀՀ քաղաքացու` արժանապատիվ կյանք վարելու սահմանադրական իրավունքը։
Կարդացեք նաև
Ազատ դեմոկրատներ կուսակցության լրատվական ծառայություն
Եթե արդեն Ազատ դեմոկրատներն են անհանգստացած,ուրեմն բանը՝ բուրդ է: Թե՛ երկրի անձնուրաց
բարգավաճողները, այսինքն՝ այլմոլորակայինները, այսինքն՝ այլընտրանքայինները պետք է ձայն
բարձրացնեն , կամ էլ օեկ-ը՝ կեղծ Նժդեհականներից կախված ներքին օրգանը:
Անառակաբարո բարքերը Հայաստանցիները ընդունեցին առանց կռիվ տալու, միայն տրտնջում են և
բողոքում, որ իրենցից ոչինչ չի կախված:
Կադացեք Բուզանդիայի կործանումը: