«Վարորդները բարյացակամ վերաբերմունք կցուցաբերեն ուղեւորների հանդեպ: Ճիշտ է վատ է իրականությունը, բայց հնարավոր է միջոցներ կիրառել 150 դրամ չվճարելու համար»,-այսօր լրագրողների հետ հանդիպման ժամանակ տրանսպորտի թանկացման պատճառների ուռճացման ու նոր բացահայտված մանրամասների մասին նշեց «Իրազեկ եւ պաշտպանված սպառող» ՀԿ նախագահ Բաբկեն Պիպոյանը:
Նրա խոսքով պետք է խաղալ այն տեղեկատվության վրա, որը տվել է քաղաքապետարանը. «Մենք ոչ թե գործածարներ ենք ունեցել, այլ առաքյալներ, ովքեր իրենց սուրբ պարտքն են կատարել, սա աբսուրդ է: Հարկերը վճարում է ՀՀ քաղաքացին, Երեւան քաղաքի բյուջեն միայն լցվում է: Այս վատ նկարչության մեջ ամեն ինչ ուռճածված է, չի կարելի մոլորեցնել ժողովրդին՝ 100 դրամի պարագայում էլ այսօր գերշահույթ է»:
«Հասարակական տրանսպորտը 100 դրամ» հասարակական նախաձեռնության հիմնադիր-անդամ Լուսինե Մնացականյանի խոսքով, իրենց նախաձեռնությունը պատրաստել է հանրային կուպոններ՝ թղթից, որի վրա գրված է 50 դրամ. «Մեր նախաձեռնությունն ուղղված չէ վարորդին, այն ինչ որ արվում է` արվում է եւ վարորդի եւ հասարակության դեմ, մենք պաշտպանում ենք մեր իրավունքները: Մեր վարորդները մեծամասամբ կիրթ եւ հասկացող մարդիկ են: Իր գծատիրոջը վարորդը կտանի եւ ցույց կտա, որ հասարակությունը հրաժարվում է վճար կատարելուց»:
Կարդացեք նաև
Անժելա ՇԱՀՈՒՄՅԱՆ
