«Ամերիկայի Ձայն». Դատարանի որոշման համաձայն, Նավալնիին ազատազրկման մեջ պահելը վերջինիս կզրկի այս տարվա սեպտեմբերին Մոսկվայի քաղաքապետի կայանալիք ընտրություններին մասնակցելու հնարավորությունից
Ռուսաստանի դատարանն ուրբաթ օրը ազատ է արձակել երկրի ընդդիմության առաջնորդն Ալեքսեյ Նավալնիին, որը բողոքարկել է ֆինանսական միջոցների յուրացման մեղադրանքներով նախօրեին իրեն ներկայացված հինգ տարվա ազատազրկման մասին դատավճիռը:
Դատարանի որոշման համաձայն, Նավալնիին ազատազրկման մեջ պահելը վերջինիս կզրկի այս տարվա սեպտեմբերի 8-ին Մոսկվա քաղաքապետի կայանալիք ընտրություններին մասնակցելու հնարավորությունից:
Նավալնին նախօրեին մեղավոր է ճանաչվել 2009 թվականին Ռուսաստանի պետական ընկերություններից մեկից 500 հազար դոլար կազմող գումար յուրացնելու մեջ: Այս հանցագործությունը, ըստ դատարանի, Նավալինի իրականացրել էր՝ Ռուսաստանի Կիրովի մարզի ղեկավարի խորհրդարանականի պաշտոնը զբաղեցնելու ժամանակ:
Կարդացեք նաև
Ընդդիմադիր Նավալնին կալանավորվել էր դատավճիռը ներկայացնելուց անմիջապես հետո:
Ռուսաստանի բազմաթիվ քաղաքներում անցկացվել են բողոքի ցույցեր, որոնց մասնակիցներն իրենց զայրույթն են արտահայտել Ալեքսեյ Նավալնիին ներկայացրած դատավճռի փաստով:
ԱՄՆ-ի Սպիտակ տունը խորը հուսահատություն է արտահայտել դատարանի կողմից կայացված վճռի կապակցությամբ՝ «Ռուսաստանի քաղաքացիական հասարակության շրջանում այլախոհության ճնշմանն ուղղված մտահոգող միտման վերջին օրինակ» անվանելով այն:
ԵՄ-ի արտաքին և անվտանգության հարցերով հանձնակատար Քեթրին Էշթոնը նույնպես մտահոգություն է արտահայտել Նավալնիի դատապարտման և դատավճռի կապակցությամբ՝ նշելով, որ դատավարության ընթացքում առաջ քաշված մեղադրանքներն ապացուցված չեն եղել:
Ռուսաստանի պետական մարմիններում կաշառակերության դեպքերը բացահայտած 37-ամյա Նավալինին նշել է, թե իր դեմ ներկայացված մեղադրանքներն ունեն քաղաքական բնույթ և նախատեսված են իրեն լռեցնելու համար:
Ալեքսեյ Նավալնին, որն անցյալ տարի Մոսկվայի փողոցներում զանգվածային ցույցեր կազմակերպելու պատճառով առաջացրել էր Ռուսաստանի նախագահ Պուտինի զայրույթը, ավելի վաղ ասել էր, թե ցանկանում է դառնալ Ռուսաստանի հաջորդ նախագահն ու բանտարկել ներկայիս նախագահ Վլադիմիր Պուտինին:
Արմեն Հովհաննիսյան
