Երեկ մի շարք լրատվամիջոցներում տեղեկություն տարածվեց, թե Գյումրիի նախկին քաղաքապետ Վարդան Ղուկասյանի դստեր փեսացուի սպանության գործով ամբաստանյալ Հարություն Սարգսյանի հայրը՝ Սամվել Հարությունյանը, հրաժարվել է հաղորդում ներկայացնել Ղուկասյանի դեմ: Հարությունյանի կինը երեկ մեզ հետ զրույցում հերքեց այդ տեղեկությունը, ասաց, որ ամուսինը ոչ թե հրաժարվել է դրանից, այլ ուղղակի դեռեւս ի վիճակի չէ որեւէ ցուցմունք կամ հաղորդում տալ։ «Եթե մարդը ի վիճակի չէ խոսել, ի վիճակի չէ որեւէ ցուցմունք տալ, ինչպե՞ս պետք է հաղորդում տա հանցագործության մասին։ Նրան ցուցմունք տալ դեռեւս չի թույլատրվում, քանի որ նրա վիճակը դեռեւս կայուն ծանր է, նա նախակաթվածային վիճակում է, եւ նրա այդ վիճակի մասին քննիչներին տեղեկանք է տրվել»,- երեկ մեզ ասաց կինը։
Հիշեցնենք, Շիրակի մարզի ընդհանուր իրավասության դատարանում, որտեղ քննվում է Ղուկասյանի դստեր փեսացուի՝ Կարեն Եսայանի սպանության գործը, երեք օր առաջ միջադեպ էր տեղի ունեցել։ Նախկին քաղաքապետն ու նրա ուղեկիցները բռնություն էին կիրառել ամբաստանյալ Հարություն Սարգսյանի հոր՝ Անիի տարածաշրջանի նախկին ոստիկանապետ Սամվել Սարգսյանի նկատմամբ։ Սարգսյանը դատարանից շտապօգնության մեքենայով նախաինֆարկտային վիճակում տեղափոխվել էր հիվանդանոց։
Գոհար ՎԵԶԻՐՅԱՆ
Անի ԳԵՎՈՐԳՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
