Սյունիքի նորանշանակ մարզպետ Վահե Հակոբյանի մասնակցությամբ գումարվեց մարզխորհրդի անդրանիկ նսիտը: Նիստի օրակարգում ընդգրկված էին hարցեր Սյունիքի մարզի համայնքների բյուջեների սեփական եկամուտների հավաքագրման եւ առկա խնդիրների վերաբերյալ, մարզում իրականացված գյուղատնտեսական աշխատանքների, բերքահավաքի ընթացքի եւ առկա խնդիրների, 2013թ.-ին մարզում հրատապ ծրագրերի իրականացման ընթացքի ինչպես նաեւ մարզի 2010-2013թթ. սոցիալ-տնտեսական զարգացման ծրագրով նախատեսված աշխատանքների կատարման եւ հաջորդ 4 տարվա՝ 2014-2017թթ. ծրագրի կազման ընթացքի մասին:
Նիստի վերջում մարզպետն ըստ կարեւորության առանձնացրեց խնդիրները եւ ընդհանրացրեց առաջիկա անելիքները՝ ընդգծելով առաջիկայում գործարքվելիք նոր չափորոշիչները, որոնք ուղղված են լինելու մարզում տարվելիք աշխատանքների արդյունավետ իրականացմանը: Սյունիքի մարզպետ Վահե Հակոբյանը ընդգծելով մարզում գյուղատնտեսության ոլորտում առկա պոտենցիալը, ընդգծեց, որ պետք է օգտագործել այդ հնարավորությունները եւ քայլեր ձեռնարկել տվյալ ոլորտում արդյունքների աճի ապահովման ուղղությամբ:
Կարդացեք նաև
«Մարզում գյուղատնտեսական հնարավորությունները մեծ են, եւ գյուղվարչության պետը քիչ առաջ զեկուցեց, որ մենք ունենք հայտեր, որոնք կառավարություն ենք ներկայացրել, որպեսզի որոշակի սերմնացուի կամ վառելիքի տեսքով այլ օժանդակություններ ձեռքբերենք: Հանքարդյունաբերությունը մեր տարածաշրջանի, ինչպես նաեւ մեր պետության գերակա ոլորտն է: Մեր համախառն արտադրանքի 85 տոկոսը բաժին է ընկնում հանքարդյունաբերությանը, կարծում եմ՝ 10 տոոկսը էներգետիկային, մնացած 5 տոկոսն այլ ճյուղերին: Սա կոշտ տնտեսության մոդել է, կածում եմ մենք պետք է կարողանանք դիվերսիֆիկացնել, հնարավորություն տալ 5 տոկոսի աճին: Այդ կարեւորագույն քայլը պետք է լինի գյուղատնտեսության ոլորտում, որտեղ մենք, կարծում եմ, ասելիք ունենք», – ասաց Վահե Հակոբյանը:
Անդրադառնալով 2010-2013թթ-ի սոցիալ տնտեսական զարգացման ծրագրի գոհացնող արդյունքներին եւ հաջորդ 4 տարվա զարգացման ծրագրի պլաններին, մարզպետը նշեց, որ նոր նիշ պետք է սահմանվի եւ նախատեսված արդյունքներն ապահովելուց զատ՝ պետք է ավելացվի տնտեսական բաղադրիչի մեծությունը: «Այսինքն, մենք պետք է կարողանանք հաշվարկել մեր տարածաշրջանի ներդրումային հնարավորությունները, պետք է յուրաքանչյուր համայնք քարտեզագրել եւ յուրաքանչյուրի համար ունենալ ներդրումային քարտեզ, որպեսզի կարողանանք հետագայում մեր ներդրողներին առաջարկել որոշակի փաթեթներ: Այդ տեսակետից շատ խիստ կարեւորում եմ, մարզում բոլոր շահագրգիռ կազմակերպությունների, հ/կ-ների, փոքր եւ միջին ձեռնարկատիրական ընկերությունների կողմից ակտիվ ու հրապարակային ձեւով առաջարկությունների ներկայացումը: Դա մեզ համար կլինի շատ արժեքավոր նյութ, հետագայում որպես ուղեցույց կարողանանք ներգրավենք մեր աշխատանքներում»,- հավելեց մարզպետը եւ կոչ արեց բոլորին առաջադրված խնդիրների նկատմամբ լինել ուշադիր: Առաջիկայում Սյունիքի մարզպետը համապատասխան աշխատանքային խմբով կայցելի Սյունիքի մարզի բոլոր համայնքներ՝ տեղում ծանոթանալու առկա խնդիրներին ու բարձրացված հարցերի վերաբերյալ հնարավոր լուծման առաջարկություններով հանդես գալու նպատակով:
Մերի ՍՈՂՈՄՈՆՅԱՆ
