Երեկ հրապարակվեց հայկական կայքերի մի ամբողջական ցուցակ, որոնք նախորդ գիշեր հաքերային հարձակման էին ենթարկվել ադրբեջանցիների կողմից: Դրանց թվում էին բանկերի, լրատվական, տեղեկատվական եւ այլ կազմակերպությունների պաշտոնական կայքէջեր:
Տուժածների շարքում էր նաեւ Զարգացման հայկական բանկը, որից էլ Aravot.am-ը փորձեց ճշտել՝ չե՞ն տուժել արդյոք հաճախորդները, որոնք անձնական հաշիվներ ունեն այնտեղ: Բանկի IT ոլորտի մասնագետների փոխանցմամբ` կայքի վրա հաքերային հարձակման մասին տեղեկացել էին երեկ առավոտյան ժամը 9:00-ին, սակայն խնդիրը կես ժամվա ընթացքում կարգավորվել է, կայքը սկսել է նորմալ աշխատել:
Նրանք նաեւ հավաստիացրին, որ իրենց հաճախորդները այդ հարձակումից չեն տուժել, նրանց անձնական հաշիվների հետ կապված ուրեւէ խնդիր չի առաջացել:
Եվա ՀԱԿՈԲՅԱՆ
