aysor.am. Հատված Ռուսաստանի հայերի միության նախագահ Արա Աբրահամյանի հետ հարցազրույցից
– Պարոն Աբրահամյան այս օրերին որոշ լրատվամիջոցներ քննադատում էին Ռուսաստանի հայերի միությանը` նշելով, որ հայ վարորդ Հրաչ Հարությունյանի գործի հետ կապված ոչ մի քայլ չի անում: Մի փոքր կմանրամասնե՞ք, թե ինչ է արել Ռուսաստանի հայերի միությունը, որի մասին մեր հասարակությունը չգիտի:
– Ռուսաստանի հայերի միությունը հասարակական կազմակերպություն է և այն չի զբաղվում ՀՀ քաղաքացիների խնդիրներով: Սակայն քանի որ այստեղ չկա նման կազմակերպություն, որը կզբաղվի ՀՀ քաղաքացիների խնդիրներով՝ մենք առաջին օրվանից տեղյակ ենք և առաջին օրվանից զբաղվում ենք այս խնդրով:Այս ընթացքում չի եղել մի դեպք, որը վերաբերվի մեր հայրենակցին և մենք չզբաղվենք դրանով:Մենք բոլոր դեպքերին էլ խառնվում ենք և մեր օգնությունը ցույց ենք տալիս: Կրկնում եմ ոչ մի պարտականություն չկա , ոչ էլ իրավունք կա զբաղվելու այդ խնդիրներով, բայց մենք դա անում ենք, որովհետև մենք այդպես ենք ուզում: Ինչ վերաբերվում է կոնկրետ այս դեպքին որոշ մարդիկ անիմաստ խոսում են, ամենայն հավանականությամբ՝ բան ու գործ չունեն և իրենց համար գործ են ճարել քննադատելով աշխատող կառույցին: Այդ խոսողները չգիտեն, թե ինչ է մարդուն օգնելը, եթե այդքան կարողանում են քննադատել, թող դրա փոխարեն Հրաչիկի ընտանիքին որևէ օգնություն ցուցաբերեն: Մի բան պետք է նկատել, որ սա դժբախտություն էր և 18 մարդ է զոհվել: Մեզ վրդովվեցրել է, որ մեր հայրենակցին խալաթով են բերել դատարան: Մենք դիմում ենք ներկայացրել Ներքին գործերի նախարարություն և բացատրություն ենք պահանջել, թե ինչու՞ են մեր հայրենակցին խալաթով բերել դատարան և իրենք ասել են, որ իրենք 72 ժամվա ընթացքում պարտավոր էին տանել դատարան հակառակ դեպքում պետք է ազատ արձակեին, իսկ թե ինչ հագուստով է եղել դա իրենց պարտականությունը չէ, դա իրենց պարտականությունների մեջ չի մտնում:
Նյութի մանրամասները կարդացեք սկզբնաղբյուր կայքում
