Մի ընտանիք կառավարում է կովկասյան ազգերի մի մեծ կտոր: «Ատլանտիկ» հանդեսում գրում է լրագրող Մայքլ Ուայզը:
«Երբ Հեյդար Ալիեւը՝ Ադրբեջանի նախագահ Իլհամ Ալիեւի որդին, ընդամենը 11 տարեկան էր, Ջումեիրահ ծովափում գնել է 44 միլիոն դոլար արժողությամբ շքեղ առանձնատուն՝ Դուբայում կառուցված արհեստական կղզիախմբով, որտեղ հանգստանալու են գնում Բրտանիայի ֆուտբոլիստները եւ Ռուսաստանի կաշառված հարկային մարմինները: «Վաշինգտոն փոտի» լրագրող Էնդրյու Հիգինսի խոսքերով, որն այս պատմությունը բացահայտել էր 2010թ., Ադրբեջանի շարքային քաղաքացին պետք է 10.000 տարի աշխատի, որպեսզի 44 միլիոն դոլար վաստակի:
Սակայն պատանի Հեյդարը ընտանիքի միակ անդամը չէ, որը ներգրավված է Պարսից ծոցում անշարժ գույքի ձեռքբերման խարդախություններում: Նրա մեծ քույրերը՝ Լեյլան եւ Արզուն, նույնպես գրանցված են Դուբայի հողատարածքային վարչության ռեգիստրում: Ալիեւի երեք երեխաները միասին 75 միլիոն դոլարի անշարժ գույք ունեն Դուբայում, ինչն անշուշտ տպավորրիչ է, հաշվի առնելով, որ նրանց հոր տարեկան եկամուտը պաշտոնական տվյալներով կազմում է 228 000 դոլար»:
Ուայզը գրում է, որ հիմնվելով կորպորատիվ փաստաթղթերի վրա, որ իր մոտ է հայտնվել, այժմ 15-ամյա Հեյդարը, որն իր համար զբաղմունք է գտել բանկային համակարգում: Այդ փաստաթղթերը ցույց են տալիս, որ երիտասարդ Հեյդարին է պատկանում օֆշորային գոտում գրանցված մի ընկերություն, որը կառավարում է Ադրբեջանում ռուսական ՎՏԲ բանկի մասնաճյուղի գրեթե կեսը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
