Հայաստանը ունիվերսիադայի ոչ պաշտոնական թիմային հաշվարկում 162 երկրների մեջ զբաղեցրեց 32-րդ տեղը, իսկ նվաճած մեդալների ընդհանուր քանակով` 28-րդը:
Հայաստանը 27-րդ համաշխարհային ուսանողական խաղերում նվաճեց 1 ոսկե, 5 արծաթե, 4 բրոնզե մեդալ: Ոսկե մեդալների հաշվարկով մեր հանրապետությունը զբաղեցրեց 32-րդ տեղը:
Նվաճած մեդալների ընդհանուր քանակի հաշվարկով 162 երկրների մեջ Հայաստանը 10 մեդալով 28-րդն է:
Կազանում ունիվերսիադայի մեդալ նվաճել է 70 երկիր:
Կարդացեք նաև
Հայաստանը ուսանողական խաղերում ներկայացված էր 42 մարզիկով:
Հայաստանի ուսանող մարզիկները մասնակցեցին տասը մարզաձեւերի. հունահռոմեական ըմբշամարտ, բռնցքամարտ, ազատ ըմբշամարտ, շախմատ, սամբո, ձյուդո, ծանրամարտ, գոտիներով ըմբշամարտ, լող, աթլետիկա:
Ուսանողական խաղերում Հայաստանը մեդալ ունեցավ չորս մարզաձեւերից` ըմբշամարտ, սամբո, բռնցքամարտ, շախմատ:
Ըստ առանձին մարզաձեւերի թիմային հաշվարկում Հայաստանի հավաքականների զբաղեցրած տեղերը.
9. Ըմբշամարտ, ազատ եւ հունահռոմեական, չորս մեդալ` 3 արծաթ, 1 բրոնզ:
5. Սամբո, երեք մեդալ` 1 ոսկի, 2 բրոնզ:
6. Բռնցքամարտ, երկու մեդալ` 1 արծաթ, 1 բրոնզ
2. Շախմատ, տղաներ, անհատական` 1 արծաթ:
Աշոտ ՀԱԿՈԲՅԱՆ
