Ցեղասպանությունից փախչելով՝ 1923թ. հայերը եկեղեցի կառուցեցին Թուրքիայի սահմանին մոտ քրդական Զախո քաղաքում: Գրում է «Նեյշընըլ Ջեոգրաֆիկը» Իրաքի ազգային փոքրամասնությունների մասին նյութում:
Զախոյի գետը՝ Փոքր Խաբուրը, Թուրքիայից է ծագում: Արթուն Խալաթյան քահանան լսել է Տիգրիս հոսանքին հակառակ պատնեշ կառուցելու մասին ու հույս ունի, որ նման բան չեն անի Փոքր Խաբուրի հետ:
«Մենք չենք ուզում լինել մի իրավիճակում, որտեղ գետերը ցամաքում են, որովհետև հայերն իրենց պատմության ընթացքում բազմաթիվ անգամ են փախստական դարձել, ու ես չեմ ուզում, որ մենք կրկին թափառական դառնանք», – ասում է քահանան:
Խալաթյանն ասում է, որ ցեղասպանությունից հետո հայերը ամեն ինչ կարող են սպասել թուրքերից, բայց և հավատում է. «Նրանք պետք է մարդկային վերաբերվեն այլ ազգերի նկատմամբ ու ոչ թե փակեն նրանց ջրի ճանապարհը»:
Կարդացեք նաև
Հայերը, եզդիները, մանդեիները ազգային և կրոնական համայնքների օրինակներ են, որոնք ապահով ապաստան են գտել այս փոքր շրջանում, գրում է հանդեսը:
Պատրաստեց Հովհաննես ԻՇԽԱՆՅԱՆԸ
