«Նոր Մոսկվայում» վթարի գործով մեղադրյալ Հրաչյա Հարությունյանի պաշտպան Ալեքսանդր Մալցևը Aysor.am-ի թղթակցի հետ զրույցում նշեց, որ իրենք այսօր բողոք են ներկայացնելու Հ. Հարությունյանին կալանավորելու և նրան կանացի հագուստով դատարան բերելու վերաբերյալ: «Մենք բողոք ենք ներկայացնելու այն բժիշկների և իրավապաների դեմ, ովքեր որոշել են նրան նման կերպով բերել դատարան: Դա նվաստացուցիչ է մարդու արժանապատվության համար»,- ասաց նա:
Պաշտպանի խոսքով` ինքը պատրաստվում է միջնորդություն ներկայացնել վթարված բեռնատար մեքենայի տեխնիկական անվտանգության փորձաքննությանը մասնակցելու վերաբերյալ:
«Մենք միջնորդելու ենք նաև, որ հարցաքննվեն ավտոմեքենայի տերն ու ընկերության սեփականատերը ավտոմեքենայի տեխնիկական վիճակի վերաբերյալ»,- ասաց նա:
Հարցին` ինչպե՞ս եք գնահատում ձեր շանսերը, նա նշեց, որ այդ մասին վաղ է խոսել:
Կարդացեք նաև
Aysor.am-ի հարցին` կարծում եք՝ հնարավո՞ր է ապացուցել, որ Հ. Հարությունյանը մեքենան փորձել է շրջել` մյուս ավտոմեքենաների հետ բախումից խուսափելու համար, պաշտպանը ասաց. «Այո, դա հնարավոր է»:
Նյութի մանրամասները կարդացեք սկզբնաղբյուր կայքում
