Լրատվամիջոցների համաձայն, Գյումրիի նախկին քաղաքապետ Վարդան Ղուկասյանի դստեր փեսացուի սպանության գործով դատական նիստից հետո Վարդան Ղուկասյանը ծեծել է մեղադրյալի հորը։
«ՉԻ» – Փաստորեն Լիսկայի «ռեաբիլիտացիան» կարգին ոգեւորել է Վարդանիկին։ Ինչպես հայտնի է, հայտնի միջադեպից հետո Լիսկան շաբաթներ շարունակ ընդհատակ էր անցել, բայց հետո Սերժ Սարգսյանը նրա հետ խորհրդակցեց Սյունիքի հաջորդ մարզպետի նշանակման հարցով, եւ երկու օր չանցած՝ Լիսկայի եղբորորդին ծեծկռտուք սարքեց Գորիսում։ Իսկ Վարդանիկն, ահա, անձամբ է ակտիվացել։ Երեւի որոշել է, որ եթե մինչեւ հիմա ազատության մեջ է՝ ուրեմն դժվար ժամանակներն անցել են, եւ ինքը կարող է հիշեցնել իր մասին։
Ի դեպ, ոստիկանապետ Վլադիմիր Գասպարյանը պարծենում էր, թե Գյումրիում կրիմինալի հարցերը լուծել է, ու ահագին էլ զենք է հավաքել։ Զենքի «մոմենտով» գուցեեւ ճիշտ է ասում, համենայն դեպս՝ երեկվա դեպքերից հետո ծեծվողի հագուստի վրա կոշիկների հետքեր են եղել։ Այնպես որ՝ հաջորդ «ռեյդի» ընթացքում Գասպարյան Վովան պիտի արդեն Վարդանիկի կոշիկներն էլ առգրավի։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
