Տավուշի մարզի առաջին ատյանի դատարանում ընթանում է Իջեւան քաղաքի բնակիչ, 1984թ. ծնված Էդգար Չիբուխչյանի դատավարությունը: Ըստ «Դատալեքս» տեղեկատվական կայքի, պաշտպանության նախարարության զորամասերից մեկի զինծառայող Էդգար Չիբուխչյանին մեղադրանք է առաջադրվել այն բանի համար, որ նա գիտակցելով, որ իր տրամադրած տեղեկությունը կեղծ է, 2013թ. հունվարի 26-ին ոստիկանության Իջեւանի բաժնում հանցագործության մասին հաղորդմամբ սուտ մատնություն է կատարել, թե իբր նույն օրը, ժամը 13.30-ի սահմաններում Տավուշի մարզի Խաշթառակ գյուղում իր նախկին կինն անհիմն վիճաբանության մեջ է մտել իր հետ եւ ձեռքի խոհանոցային դանակով հարվածել աջ ձեռքին՝ պատճառելով մարմնական վնասվածք:
Նախկինում չդատված է. Չիբուխչյանի նկատմամբ խափանման միջոց է ընտրվել չհեռանալու մասին ստորագրությունը: Նրան մեղադրանք է առաջադրվել ՀՀ քրեական օրենսգրքի 333 հոդվածի 1-ին մասով («Սուտ մատնությունը»):
Ոսկան ՍԱՐԳՍՅԱՆ
Կարդացեք նաև
