«Թուրքական իշխանություններն անսպասելի հարված ստացան այնտեղից, որտեղից ամենաքիչն էին սպասում»,- այսօր այս մասին «Արմատ» ակումբում ասաց թուրքագետ Անդրանիկ Իսպիրյանը`խոսելով Աղվան Հովսեփյանի հայտարարության մասին:
Ըստ նրա` ներքաղաքական բարդ գործընթացներում հայտնված թուրքական իշխանությունների համար Հայաստանի գլխավոր դատախազի հայտարարությունը սառը ցնցուղի նման մի բան էր։ «Թուրքիայի ԱԳՆ-ի հայտարարությունն ուշացած էր և ոչինչ չասող, որը պայմանավորված էր Հայաստանի գլխավոր դատախազի հայտարարության անսպասելի լինելու հետ, սակայն այս անգամ թուրքական ուղերձը շատ ավելի թույլ էր ու լղոզված, եթե համեմատենք նախորդների հետ»,- ասաց նա, հավելելով, որ սա բնական է, քանի որ մենք ունենք խնդիր, ունենք դատ` Հայոց ցեղասպանության հետ կապված, հետևաբար պետք է պատրաստ լինենք նաև հետևանքներին:
Թուրքագետը ճիշտ է համարում Ցեղասպանության փոխհատուցմանն առնչվող իրավական գործընթացի սկսումը, որին զուգահետ կշարունակվեն Ցեղասպանության ճանաչմանն ուղղված աշխատանքները։
Ինչ վերաբերում է թուրք-ադրբեջանական համատեղ զորավարժանքներին թուրքագետն ասաց. «Զորավարժությունները չեն լինում ինչ-որ բանից մեկ շաբաթ առաջ, ոչ էլ նույնիսկ մեկ ամիս առաջ: Թուրքիայում գոյություն ունեն զորավարժությունների անցկացման 5 տեսակ: Սա մտնում է օտար երկրների հետ համատեղ զորավարժության մեջ, որը նախատեսվում է իրականացնել շուրջ մեկ տարի առաջ և սա պարզապես համընկավ Աղվան Հովսեփյանի հայտարարության հետ: Թուրքական լրատվամիջոցներն առիթն օգտագործեցին և քարոզչամեքենայի միջոցով փորձեցին «վախեցնել» մեզ: Ոչինչ չասող, սովորական, շարքային զորավարժություններ են և սա կապել Աղվան Հովսեփյանի հայտարարության հետ, ուղղակի միամտություն է, պարզապես ժամանակահատվածը համընկավ»,-ասաց նա:
Կարդացեք նաև
Քրիստինա ՄԻՐԶՈՅԱՆ
Ես կասեմ ավելին՝, որ գլխավոր դատախազի ելույթը հիմնահատակ ջախջախեց թուրքերի ներքին,
արտաքին և ռազմական ողջ պոտենցիալը առաջիկա տասնյակ տարիներում: Այսպիսի հզոր, և իր
նախադեպը չունեցող մի քաղաքական հարձակում տեղի ունեցավ վերջին տարիներում, երկու երկրների միջև, երբ կողմերից մեկը՝ ֆուտբոլային դիվաբագիտության ժամանակ հայտնվեց ֆուտբոլի գնդակի դերում, բայց իրեն էշի տեղ դնելով, հիմար ձևացավ: Համոզված եմ, որ սա էլ հաջորդ օրինակն է:
Քրիստինա ջան:
Սերծ Սարգսյան. Իշխանության մեջ գտնվողը չի կարող տարածքային պահանջներ ներկայացնել որեւէ հարեւան երկրի: 10 րոպե հետո ես նրան աշխատանքից կազատեմ:
Էտ 10 րոպեն հլա չանցավ: