«Շատ վիրավորական էր ինձ համար, երբ տղամարդուն կանացի հագուստով են որեւէ տեղ տանում, մանավանդ տանել դատարան, որոշեցի հյուպատոսին փոխանցել հայկական զինանշանով եւ «Հայաստան» գրառմամբ իմ անձնական շապիկը, բայց հյուպատոսը չուզեց հանդիպել»,-ԳԱԼԱ-ի հետ զրույցում նշել է Գյումրիում ՌԴ հյուպատոսարանի շենքի դիմաց այսօր վաղ առավոտից բողոքի ցույց իրականացնող գյումրեցի ակտիվիստ Արսեն Վարդանյանը: Նա եւ մի խումբ երիտասարդ քաղաքացիական ակտիվիստներ դատապարտում են ՌԴ-ում հայ վարորդ, ազատամարտիկ Հրաչյա Հարությունյանի նկատմամբ ռուսական կողմի ցուցաբերած վերաբերմունքը եւ այսօր որոշել են իրենց բողոքն արտահայտել Գյումրիում ՌԴ հյուպատոսի մոտ: Վասիլի Կորչմարի հետ հանդիպում են պահանջել նրանից պարզելու համար, թե իրենց երկրում միշտ են որպես պատժի տարբերակ կիրառում այն, ինչ երեկ արեցին: Վասելի Կորչմարը հրաժարվել է հանդիպել ակտիվիստների հետ, հյուպատոսարանի մամուլի քարտուղարը փոխանցել է, թե դա հյուպատոսարանի գործառույթների մեջ չի մտնում:
Հյուպատոսարանի մամուլի քարտուղար Հեղինե Մելիքյանը նշել է, թե բոլոր հարցերով պետք է դիմել Երեւան՝ ՀՀ-ում ՌԴ դեսպանին:
Կարդացեք նաև
«Մարդը ուզում է իր վերնաշապիկը փոխանցել մեր ձերբակալված համերկրացուն, որին կանացի խալաթ են հագցրել, մենք մեր բողոքի ակցիան ենք իրականացնում եւ ուզում էինք հյուպատոսի միջոցով փոխանցել շապիկը, եւ իրենց պատասխանը եղավ այն, որ նա մեզ չի ընդունում: Սա ուղղակի ապուշություն է, իսկ եթե սրա տակ քաղաքական ենթատեքստ կա, էս հարցը պետք է մեր իշխանավորներին ուղղենք ու պահանջենք պարզաբանում, թե ինչ է նշանակում երկրի քաղաքացուն, անկախ նրա կատարած հանցագործությունից ձեվից, նրա հետ էդպես վարվել, կարո՞ղ է մանյակ է, այո՛, դեպք է տեղի ունեցել, ողբերգություն է, մենք էլ ենք ցավակցում զոհվածների ընտանիքներին, բայց մարդուն խալա՞թ հագցնել, էն էլ մարդ, որը նեղ տարիներին, երբ շատ իշխանավորներ իրենց համար ազատ ման էին գալիս, ինքը մեր երկրի համար Արցախում պատերազմում էր»,- նշել է Կարեն Պետրոսյանը:
Հերմինե Մկրտչյան
Ֆոտոշարքը՝ Տ.Գասաբյանի
Նյութի մանրամասները կարդացեք սկզբնաղբյուր կայքում
Ապրես Արսեն ջան:Քո տեսակն է միշտ պահել մեր ազգի պատիվը:
ՌԴ հյուպատոսարանի դիմաց իմ ընկերների հետ արել եմ այն, ինչ արժանապատիվ եմ գտել անել ՀՀ Սահմանադրության եւ Հ. Հարությունյանի անունից: Հայաստան գրառումով եւ զինանշանի տեսքով շապիկս խորհրդանշում է իմ պատրաստակամությունը սեփական երկրի քաղաքացիների շահերի պաշտպանության գործում: