ՀՀ ԳՆ սննդամթերքի անվտանգության պետական ծառայության կողմից այսօր տարածված հայտարարության մեջ նշվում է, որ մանրէաբանական ցուցանիշների անհամապատասխանության պատճառով արգելվել է «Էլիտ Շանթ» ՍՊԸ-ի կողմից «Օսկար մինի» ապրանքանիշի պաղպաղակի արտադրության ջնարակապատման և փայտիկավորման գործառույթները և «Էկլեր» ու «Զեֆիր» ապրանքանիշի հրուշակեղենի արտադրությունը: Ցանկանում ենք տեղեկացնել, որ նշված խախտումները հայտնաբերվել են արտադրության փուլում իրականացված ստուգման արդյունքում:
«Իրազեկ և պաշտպանված սպառող» հասարակական կազմակերպությունը կոչով դիմում է սպառողներին պահպանել զգուշավորություն և մինչև խախտումների վերացման մասին համապատասխան հայտարարությունը խուսափել նշված մթերքների ձեռքբերումից և օգտագործումից:
«Իրազեկ և պաշտպանված սպառող» հասարակական կազմակերպություն
