Այսօր Կենտրոն եւ Նորք-Մարաշ առաջին ատյանի դատարանում Գագիկ Պողոսյանի նախագահությամբ ընթացավ ֆոտոլրագրող Գագիկ Շամշյանի մասնագիտական գործունեությունը իրականացնելուն խոչընդոտելու գործով դատավարությունը:
Գործի էությունը հետեւյալն է. Ռուստամ Սահակյանին մեղադրանք է առաջադրվել այն բանի համար, որ նա Թաիրով 14 հասցեում տեղակայված ՀՀ ոստիկանության ՃՈ օպերատիվ կառավարման կենտրոնի հատուկ պահպանվող տարածքում, ինքնությունը չպարզված եւս մեկ անձի հետ, խոչընդոտել են, այդ ժամանակ, նշված տարածքում ֆոտոլրագրող Շամշյանի կողմից իր մասնագիտական, օրինական գործունեությունը իրականացնելուն, միաժամանակ Շամշյանի առողջության համար վտանգավոր, բռնություն գործադրելու սպառնալիքներ են հնչեցրել:
Մեղադրող կողմը միջնորդեց դատական նիստը հետաձգել, քանի որ հնարավոր չի եղել դիտել այն տեսանյութը, որտեղ երեւում է կատարվածը: Տեսանյութը, որը վերցվել էր «Սուր անկյուն» հաղորդաշարից, պահանջվում էր կրկին դիտել, որպեսզի ավելի պարզ դառնար դրանում արտացոլվածը:
Հաջորդ դատական նիստը կկայանա հուլիսի 30-ին, ժամը 16-00 ին:
Կարդացեք նաև
Եվա ՀԱԿՈԲՅԱՆ
