Երևանի քաղաքապետ Տարոն Մարգարյանի հանձնարարությամբ մշտական հսկողություն է իրականացվում քաղաքապետարանի ենթակայության առողջապահական հիմնարկներում՝ սպասարկման որակի, մատուցվող ծառայությունների և համապատասխան պայմանների ապահովման ուղղությամբ:
2013 թվականի առաջին կիսամյակում, ամփոփ տվյալներով, մայրաքաղաքի համաբուժարաններ է դիմել 1008853 քաղաքացի: Լաբորատոր-գործիքային հետազոտություններ են անցել 543457 անձինք: 2012 թվականի նույն ժամանակահատվածի համեմատ համաբուժարաններ դիմած քաղաքացիների թիվը ավելացել է շուրջ 100 հազարով:
Քաղաքապետարանի ենթակայության բուժհաստատություններում ստացիոնար բուժման ուղեգրված 13558 հիվանդներից պետպատվերի շրջանակում սպասարկվել է 7882-ը: Համեմատության համար նշենք, որ նախորդ տարի նույն ժամանակահատվածում ստացիոնար բուժում ստացող 12864 անձանցից պետպատվերով վիրահատվել է 7804-ը: Միևնույն ժամանակ նվազել է վճարովի հիմունքներով ընդունված հիվանդների թիվը: Եթե 2012 թվականին վճարովի ծառայություններից օգտվել է 4667 քաղաքացի, ապա այս տարվա առաջին կիսամյակում նրանց թիվը կազմել է 4389:
Հունվար-հունիս ամիսների ընթացքում, ընդհանուր առմամբ, կատարվել է 3074 վիրահատություն:
Կարդացեք նաև
Երևանի քաղաքապետարանի տեղեկատվության
և հասարակայնության հետ կապերի վարչություն
