Լիտվայի հանրապետության արտաքին գործերի նախարարության Արեւելյան գործընկերության հատուկ հանձնարարություններով դեսպան Վայդոտաս Վերբան համարում է, որ Արեւելյան գործընկերության առաջնայնություններից նախեւառաջ էներգետիկ անկախությունը, տարածաշրջանային համագործակցությունը Բալթիկ ծովի ավազանի երկրների հետ եւ հենց գործընկերությունն Արեւելյան երկրների հետ: Ամենակարեւոր առաջնայնությունների մեջ նա նշում է նաեւ ԵՄ անդամ երկրների միջեւ բաց սահմանները:
Aravot.am-ի հարցին`բավարարո՞ւմ են Հայաստանի տեմպերը ԵՄ-ի չափանիշներին հասնելու առումով, դեսպան Վայդոտաս Վերբան պատասխանեց. «Հայաստանի տեմպերն առաջին հերթին պետք է ձեզ բավարարեն, ոչ թե մեզ: Ու եթե այն ջանքերն ու տեմպերը, որոնք ներկայումս ներդնում է Հայաստանը բանակցային գործընթացում, բավարարում են ձեզ, ԵՄ-ն, կարծում եմ, համարժեք արձագանք կտա: ԵՄ-ն երբեւէ չի պարտադրի կամ մղի ինչ-որ քայլերի: Մենք կսպասենք»:
Aravot.am-ը դեսպանից հետաքրքրվեց նաեւ`ՌԴ-ի կողմից ջղագրգիռ արձագանքներ չի՞ տեսնում: «Իմ, ինչպես նաեւ ԵՄ շատ պաշտոնյաների կարծիքով, Արեւելյան գործընկերությունը ինչ-որ մեկի դեմ չէ, այն հանուն է: Անձամբ ես, չեմ տեսնում ջղագրգռության որեւէ առիթ, քանի որ ամեն ինչ արվում է հանուն: Հայաստանն ընտրել է եվրոպական ուղղությունը եւ մենք այստեղ ենք, որպեսզի ձեզ օգնենք ու դա որեւէ մեկի հետ պատերազմելու առիթ չէ»,- ասաց դեսպան Վայդոտաս Վերբան, որը հակված է կարծել, որ Վիլնյուսում ԵՄ-ՀՀ համաձայնագիրը կնախաստորագրվի:
Նելլի ԳՐԻԳՈՐՅԱՆ
