Հատված ԲՀԿ անդամ Հարություն Ղարագյոզյանի հետ հարցազրույցից:
– Ցանկություն չունե՞ք, որ ԲՀԿ–ն իշխանական կոալիցիա վերադառնա։
– Իմ կարծիքով… դե, մենք չենք որոշում։ Եթե լինի՝ լավ կլինի, եթե չէ՝ դե ի՞նչ ասեմ։ Վատ չի լինի, որ կոալիցիա կազմենք, բայց սենց էլ ա նորմալ։
– ԲՀԿ–ի համար ավելի շահեկա՞ն էր, երբ կոալիցիոն անդամ էր։
Կարդացեք նաև
– Հա, իհարկե։
– Պարոն Ղարագյոզյան, այդ դեպքում չե՞ք փորձել կուսակցությանն առաջարկել մտածել կոալիցիա վերադառնալու մասին։
– Մենք նման քննարկումներ չենք ունեցել, որ լինեին, ես իմ խոսքը կասեի։ Հիմա արձակուրդի մեջ ենք, հանգստանում ենք, սեպտեմբերին կգանք, ամեն ինչ պարզ կլինի։
– Իսկ ԲՀԿ–ում շա՞տ են մարդիկ, ովքեր Ձեր նման ցանկություն ունեն ԲՀԿ–ին կոալիցիոն կազմում տեսնել։
– Չեմ կարա ասեմ, ամեն մարդ իրա կարծիքն ունի։
– Անընդմեջ խոսում են նաև, որ ԲՀԿ–ում երկու թև կա…
– Տենց բան չկա՝ ոչ մի թև չկա. ամեն ինչ իրա հունով գնում ա։ Ոչ մի ճամբար չկա։ Կուսակցությունով հավաքվում ենք, նորմալ, քննարկումներ ենք անում, տենց բան չկա։
– Մեղադրանքներ կան ԲՀԿ–ի հասցեին, որ Վերահսկիչ պալատի 2012թ. տարեկան հաշվետվության, վարչապետ Տիգրան Սարգսյանի օֆշորային պատմության մասին հայտարարություններ չեք անում, կարծիքներ չեք հայտնում։ Ինչո՞ւ այս թեմաներով Ձեր մտահոգությունները չեք հայտնում։
– Արձակուրդի մեջ ենք, ո՞նց խոսանք… սեպտեմբերին կգանք, կխոսանք։
– Բայց սրանք նորություն չեն…
– Դե հա…
– Իսկ Դուք ինքներդ ի՞նչ կարծիք ունեք օֆշորային այս պատմության մասին։
– Ոչ մի։ Եթե մարդը հրաժարվում ա, ասում ա, որ ինքը կապ չունի՝ ի՞նչ մտածեմ։
– Հավատո՞ւմ եք Տիգրան Սարգսյանի խոսքերին։
– Իհարկե հավատում եմ։ Եթե մարդն ասում ա՝ փաստեր էլ չկան, ինչի՞ չհավատամ։
– Բայց Կիպրոսի դատախազն էլ, ըստ էության, հերքեց։
– Դե հիմա Կիպրոսի դատախազը հերքեց, մեր վարչապետն էլ դիմել է մեր դատախազին, որ գործն ընթացք ստանա։ Երբ ընթացք ստանա այդ ժամանակ էլ ամեն ինչ պարզ կլինի։
Տիգրանուհի ՄԱՐՏԻՐՈՍՅԱՆ
Հոդվածն ամբողջությամբ կարող եք կարդալ «168 ժամ» թերթի այսօրվա համարում
