Մոլդովայի խորհրդարանի փաստաբան Աուրելիա Գրիգորիուն հուլիսի 9-ին իր մամուլի ասուլիսում հայտնել էր, թե ՍԴ նախագահ Գագիկ Հարությունյանն իրենից ներողություն է խնդրել, որ իր մեկնելու կապակցությամբ խնդիրներ են ծագել, եւ որ նաեւ Եվրոպայի խորհրդի նախարարների կոմիտեում ՀՀ նախագահությամբ անցկացվող համաեվրոպական խորհրդաժողովում էլ իր ելույթի տեքստը համաձայնեցված է եղել կազմակերպիչների հետ:
ՀՀ Սահմանադրական դատարանի աշխատակազմի ղեկավար, կազմակերպիչներից Առուշան Հակոբյանին (լուսանկարում) հարցրեցինք, թե ինչպես է գնահատում տիկնոջ ասածները:
Նա ասաց. «Ոչ միայն սուտ է, այլ չգիտեմ, ինչ բառ ընտրեմ, ստից ավելի կոպիտ բառ: Ես Մոլդովայի ԶԼՄ-ներով ասել եմ այս մասին»:
Պարոն Առուշան Հակոբյանը տեղեկացրեց մի քանի մանրամասներ:Պարզվեց, որ ՍԴ աշխատակիցները առաջարկել են խորհրդաժողովի մասնակիցներին, որոնք քսաներեքն էին, ավտոբուսով տանել օդանավակայան: Տիկինն ասել է. «Ով հրավիրել է, թող նա գա տանի»:
Կարդացեք նաև
Հրավիրյալները ութսունչորսն էին, որոնք հանգրվանել էին «Անի» հյուրանոցում:
Մեր կազմակերպիչներն ասել են, որ ոստիկանների ուղեկցությամբ կհասցնենք օդանավակայան: Մոլոդովացի փաստաբանն, ըստ Առուշան Հակոբյանի՝ ասել է. «Ես ինչ գիտեմ, վստահ չեմ, թե ուր կտանեն»:
Տիկինը հրաժարվել է եւ մնացել հյուրանոցում:
ՍԴ աշխատակազմի ղեկավարը անձամբ ինքն է գնացել հյուրանոց, մինչ այդ խոսելով նաեւ ԱԳ կառույցների հետ:
Սակայն մինչ բանակցությունները կընթանային, ինչի համար էր եկել Առուշան Հակոբյանը,հյուրանոց են գնում Ռումինիայի դեսպանատան ներկայացուցիչը՝ Վրաստանի դեսպանատան ներկայացուցչի մեքենայով, և տիկնոջը տանում իրենց հետ: Նրանք տիկնոջը Վրաստանով պիտի ուղարկեին:
Նրանք մեր անվտանգության աշխատակիցներին ցույց են տալիս իրենց վկայականը: «ԱԳ փոխնախարար Շավարշ Քոչարյանի հետ կապվեցինք, Վրաստանի ԱԳ մեր գործընկերների հետ, իսկ ես այն վրացու հետ, որն ուղեկցում էր տիկնոջը: Սահմանից անցել էին քսանհինգ կիլոմետր:Տիկնոջը բերեցինք նորից մեր օդանավակայան, որպեսզի հինգ չվերթ կար, այստեղից ուղարկվեր»,-ասում է Ա.Հակոբյանը:
Նա Մոսկվա չէր ուզում թռչել, իսկ այդ ողջ ընթացքում նրա կողքին էր վրացի ուղեկիցը:
Ի դեպ, չորրորդ նիստը պետք է այդ օրը նախագահեր ՄԻՊ Կարեն Անդրեասյանը, որը սակայն պատճառաբանելով, թե փորձ չունի, հանկարծակիի էր բերել կազմակերպիչներին:
Ռուզան ՄԻՆԱՍՅԱՆ
Պարզվում է ավելի ստախոսն էլ կա…