Հատված ԼՂՀ նախագահ Բակո Սահակյանի մամլո խոսնակ Դավիթ Բաբայանի հարցազրույցից:
– Վերջերս Ադրբեջանը մեր ռազմավարական կոչված դաշնակցից գնեց հզորագույն «Սմերչ» զինատեսակը..
– Հիմա «Սմերչ»-ն այդ ի՞նչ զինատեսակ է, որ բոլորիդ վախեցրել է, մենք ունենք համարժեքը։ Դա ատոմային ռումբ չէ, որ ասես, կամ թե՝ նեյտրոնային ռումբ են ստեղծել, լազերային ինչ-որ զենքեր ունեն… Չէ, ընդամենը զենք է, որի համարժեքն ունենք նաեւ մենք, ինչի՞ մասին է խոսքը։
– Այդուամենայնիվ, Ձեզ չի՞ մտահոգում ադրբեջանական զինուժի՝ մեկ միլիարդի ռուսական զինամթերքով համալրվելու փաստը։ Ի վերջո, դրանով ադրբեջանական բանակը զգալիորեն հզորացավ։
Կարդացեք նաև
– Այո՛, գնել են, բայց դա որեւէ բան չի նշանակում։ Նախեւառաջ՝ Դուք գիտեք, որ դա շատ լավ դրամ շորթելու տեղ է, բացի այդ, դրանով ուղղակի ուզում են ահաբեկել։ Մենք պետք է մի բան հասկանանք, քանի դեռ պատերազմական գործողություններ չեն գնում, պատերազմը գնում է տեղեկատվական դաշտում։ Այն, որ իրենք նման բաներով ամեն անգամ ահաբեկում են, դրա վառ ապացույցն է։ Մի ասացվածք կա. «Հաչող շունը չի կծում», դրա համար էլ պետք չէ նման բաներից ահաբեկվել:
Զրուցեց Սոնա ԳՐԻԳՈՐՅԱՆԸ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
