ՀՀ սահմանադրական դատարանը այսօր քննության առավ ՀՀ նախագահի նախկին թեկնածու Րաֆֆի Հովհաննիսյանի դիմումը: Քննությունը հունիսի 11-ին հետաձգվել էր:
Քաղաքացի Րաֆֆի Հովհաննիսյանը (դիմումատուն այդպես էր նշել, չէր գրել՝ ՀՀ նախագահի թեկնածու) վիճարկում էր Ընտրական օրենսգրքի 18 հոդվածի 5-րդ մասի, 26 հոդվածի 2-րդ մասի Սահմանադրությանը համապատասխանելու հարցը: Համաձայն այդ հոդվածների, թեկնածուների ընտրական շտաբների վրա տեղադրված ցուցանակները քարոզչական տպագիր նյութ չեն համարվում, եթե թեկնածուներին դեմ կամ կողմ կոչեր չեն պարունակում: Գագիկ Հարությունյանը տեղեկացրեց, որ Րաֆֆի Հովհաննիսյանի ներկայացուցիչը քաղաքից բացակայում է, իսկ զեկուցողը՝ ՍԴ անդամ Ֆելիքս Թոխյանը հայտնեց, որ փորձաքննություն նշանակելու մասին որոշում է ընդունվել, ուսումնասիրվել են գործի բոլոր նյութերը:
Ի դեպ, հարցում էր արվել նաեւ հոգեբաններին, թե պաստառներն ինչ ազդեցություն կարող են ունենալ: Դատարանը մտել է խորհրդակցական սենյակ:
ՍԴ նիստից հարգելի պատճառներով բացակայում էր ՍԴ անդամ Կիմ Բալայանը:
Կարդացեք նաև
Ռուզան ՄԻՆԱՍՅԱՆ
