Ալֆա Ամիր Մամադու Սունունու Բահին մեղադրանք է առաջադրվել այն բանի համար, որ նա հանդիսանալով Կոտայքի մարզի Զովունի գյուղում գտնվող «Դուբայ» հյուրանոցային համալիրի ժամանակավոր աշխատակից , 2013թ. ապրիլի 18-ին , ժամը 05:00-ի սահմաններում , իր բջջային հեռախոսը վերցնելու նպատակով մտել է նշված հյուրանոցային համալիրի թիվ 102 ննջասենյակ եւ օգտվելով այն հանգամանքից , որ Մարատ Էդուարդի Եղիազարյանը քնած է , այնտեղ գտնվող սեղանի վրայից գաղտնի հափշտակել է վերջինիս պատկանող 2,274 միլիոն ՀՀ դրամի ոսկյա զարդեր` 2 մատանի, 1 շղթա իր խաչով, 1 թեւնոց ե 41 657 ՀՀ դրամին համարժեք 100 ԱՄՆ դոլար:
Տեղեկացնելով այս մասին դատական համակարգը հավելում է, որ Ալֆա Ամիր Մամադու Սունունու Բահը կալանավորված է: Գործը Կոտայքի մարզի Եղվարդ քաղաքի ընդհանուր իրավասության դատարանում է, առաջին լսումը` հուլիսի 16-ին:
