Որոնողական հսկա Google-ին մեղադրել են գովազդն արգելափակող AdBlock Plus (ABP) հավելվածը մշակողներին կաշառելու մեջ, այս մասին հայտնել է vesti-ն: ABP-ն այդ փաստը չի թաքցնում: Ծրագրավորողների խոսքով՝ այդ միջոցներն ուղղվում են ծրագրի աջակցությանը: Տեղեկություններն այն մասին, որ ամենահայտնի արգելափակողներից մեկը գումարի դիմաց թույլ է տալիս գովազդը տարածել, առաջացրել է օգտատերերի դժգոհությունը:
Google ընկերությունը այս շաբաթ գործարկել է նաև իր դիտարկիչի կայուն՝ Chrome 28 տարբերակը, որի գլխավոր նորամուծություններից մեկը հանդիսանում է «Ծանուցումների կենտրոնը»: Նախկինում Chrome-ում ստացվել են ծանուցումներ միայն կայքերից, մինչդեռ Chrome 28-ում ծանուցումներ կստացվեն նաև հավելվածներից, այս մասին գրել է Lenta.ru-ն և հայտնել, որ ծանուցումներն ավելի ֆունկցիոնալ են դարձել: Բացի այդ, ծանուցումներն ավելի ֆունկցիոնալ են դարձել: Դրանք կարող են պարունակել տեքստ, նկարներ և աղյուսակներ, ինչպես նաև գործողություններ առաջարկել օգտատերերին:
Սոցցանցերն ինչպես միշտ պայքարի մեջ են: Twitter միկրոբլոգների ցանցը փորձում է ապացուցել, որ ինքն ավելին է, քան պարզապես սոցցանցը: Եվ դրա համար ծառայությունը գործարկել Twitter Media բլոգը, որում ընկերությունը կոնկրետ օրինակների վրա կպատմի այն մասին, թե ինչպես պետք է կիրառել Twitter-ը սպորտում, հեռուսատեսությունում, լրագրությունում, պետական կառավարման գործում, ֆիլմերում և այլն, այս մասին հայտնել է TechCrunch-ը: Բլոգի հիմնական նպատակը ԶԼՄ-ներին իրազեկելն է այն մասին, թե ինչպես ճիշտ օգտագործել Twitter-ը:
Instagram-ում էլ հայտնվել է նոր գործիք, որը թույլ է տալիս ներդնել լուսանկարներ և տեսանյութեր կողմնակի կայքերում և բլոգներում, հաղորդել է Vesti-ն: Գործիքը կիրառելու համար անհրաժեշտ է մտնել ծառայության վեբ-տարբերակ, սեղմել Share կոճակը, այնուհետ Copy Embed Code-ը: Այլ ռեսուրսում հրապարակված տեսանյութի կամ լուսանկարի մոտ կհայտնվի Instagram տարբերանշանը, հեղինակի անունը, Like-երի և մեկնաբանությունների թիվը:
Կարդացեք նաև
Տիգրանուհի Թասլակյան
