Ազատության հրապարակում, Նախորհրդարանի հանրահավաքի ընթացքում Գարեգին Չուգասզյանը հանկարծակի կոչ արեց հավաքվածներին շարժվել դեպի Փակ շուկա: Սակայն ոստիկանները անմիջապես սկսեցին փակել Օպերայից դեպի Մաշտոցի պողոտա տանող ճանապարհները:
Երթի մասնակիցները սկսեցին հակառակվել եւ հրել շղթա կազմած ոստիկաններին, որպեսզի բացեն ճանապարհները: Այդ ընթացքում հանրահավաքի մասնակիցների մի մասին հաջողվեց դուրս պրծնել շղթայի արանքից, եւ շարժվել դեպի Փակ շուկա: Իսկ մյուս մասը սկսեց բանակցել գնդապետ Օսիպյանի հետ:
Մի քանի րոպե բանավիճելուց հետո Օսիպյանը բացատրեց, որ հավաքը օրինական էր, իսկ երթը՝ ոչ, եւ Չուքասզյանը իրավունք չուներ նման կոչ անելու: Օսիպյանը նաեւ ասաց, որ հավաքվածները 500 հոգուց ավել են, եւ ինքը չի կարող թույլ տալ, որ այդ զանգվածը շարժվի դեպի փակ շուկա:
Այժմ արդեն բանակցությունները ավարտվել են, եւ Օսիպյանը զիջեց՝ հանրահավաքի մասնակիցներին մաս-մաս դեպի Փակ շուկա թողնելու տարբերակով:
Կարդացեք նաև
Հռիփսիմե ՋԵԲԵՋՅԱՆ
