Այսօր Ազատության հրապարակում հրավիրած հանրահավաքին Նախախորհրդարանի քարտուղար Ժիրայր Սէֆիլյանը նշեց, որ այս պայքարից հետո այլեւս իրավունք չունեն ձեռքները ծալած նստեն եւ սպասեն, տեսնեն ինչ է կատարվում. «Նախախորհրդարանի կազմի մեջ արդեն Արցախի երկու կարկառուն ներկայացուցիչ է ընդգրկվել: Այս շարժումը, որ մենք սկսել ենք, այդ արհեստական բաժանումը, որ իրականացվեց 92-ին, մեր շարժման ավարտին արդեն միացման խնդիրը լուծված է լինելու: Մենք Արցախին վերաբերվում ենք որպես մեր Հայաստանի մի մարզ»:
Նա նաեւ կոչ արեց Սփյուռքի հայությանը, մասնավորապես հայկական վերածնունդին. «Առաջիկա երկու ամիսներին մենք ձեւավորելու ենք այլընտրանքային ընտրությունների ընտրական հանձնաժողովներ, 65 հոգանոց հիմնադիր խորհրդարան ենք ձեւավորելու: Կոչ ենք անում Հայկական վերածնունդին սկսել ցուցակագրումը այն մարդկանց, ովքեր պատրաստ են մասնակցել հայոց ընտրություններին»:
Ժիրայր Սէֆիլյանը դիմեց փորձագետնեին, որ ներգրավվեն Նախախորհրդարանի կողմից ձեւավորված ծրագրերում իրենց ակտիվ մասնակցությունն ունենան:
«Այս ամիսներին մեզ բազմաթիվ անգամ այս հարցն ուղղել են, թե չե՞ք ասի՝ սրանցից ո՞նց ենք ձերբազատվելու, հա, հասկացանք, լավ մարդիկ եք: Նախ, բոլորս ականատես ենք, թե ինչպես այս համակարգն ինքնափլուզման ընթացքի մեջ է: Սակայն սա չի նշանակում, որ մենք սպասելու ենք այդ ինքնափլուզմանը: Եթե մեզ չհաջողվի ստեղծել զուգահեռ իշխանություն, ապա մենք մնալու ենք փլատակների տակ»,- ասաց Ժիրայր Սէֆիլյանը՝ ավելացնելով, որ այդ ինքնափլուզման ընթացքում հնարավորինս ուժ են հավաքելու եւ գալու է մի պահ, որ այդ ուժերը հավասարվելու են, քանի որ բուրգի ներսում որոշ մարդկանց էլ են ներքաշելու:
Կարդացեք նաև
Ժիրայր Սէֆիլյանի խոսքերով՝ «Այդ բուրգի ներսում բոլոր մարդիկ չեն, որ անպետք են: Այդ ժամանակ գալու է սրանց ռադ անելու ժամանակը: Եթե կիրառեն ուժ, ապա այդ ուժին կստանան բիրտ ուժ: Հաջողություն բոլորին»:
Հռիփսիմե ՋԵԲԵՋՅԱՆ
