«Ֆիլմն արկածային ճանապարհորդական դոկումենտալ է: Նկարահանումները տեղի են ունեցել Հնդկաստանում, այն մի մրցաշարի մասին է, որը 12 օր է տեւում, հետեւել ենք մասնակից խմբերից մեկին, ով վերջինն է հասնում վերջնակետին»,-այսօր «Ճանապարհ, Հնդկաստան» ֆիլմի պրեմիերայի ժամանակ Aravot.am-ի հետ զրույցում նշեց «Մանանա ֆիլմ» կինոստուդիայի ղեկավար, ռեժիսոր Գոռ Բաղդասարյանը:
Ռեժիսորի խոսքով իրենց շատ է հետաքրքրել մրցաշարը եւ ոգեւորված փորձել են հետեւել, մասնակիցներին նկարահանել.
«Ցանկանում էինք ներկայացնել Հնդկաստանը եւ արկածային այդ մրցաշարը, որի ընթացքում մասնակիցներին բազմաթիվ խոչընդոտներ, փորձություններ ու դժվարություններ է հանդիպում, նրանք պայքարում են, տանջվում, բայց ցավոք սրտի գրավում են վերջին հորիզոնականը: Մրցավարները սակայն տղաներին շատ են համակրում եւ հանձնում են նրանց անհաջողակների համար նախատեսված մրցանակ, ինչը հումորով էր, բայց այնուամենայնիվ ոգեւորող»:
Ֆիլմի գլխավոր դերակատարնեից մեկը` կանադացի Կեյտ Կինգը մեզ հետ զրույցում նշեց, որ սա իր առաջին հետաքրքիր ճանապարհորդությունն էր Հնդկաստանում եւ առաջին նկարահանումները.
Կարդացեք նաև
«Անչափ հուզվում էի նկարահանումների ընթացքում, իսկ այսօր, երբ պետք է ֆիլմը դիտեմ առաջին անգամ ավելի շփոթված ու հուզված եմ: Ամեն ինչ անչափ հետաքրքիր է անցել, ես բնական էի ինձ զգում ու դերասանական խաղի մասին չէի էլ մտածում: Հայերի հետ շփվելով հասկացա, որ բարի, ընկերասեր ու հետաքրքիր ժողովուրդ են, ինձ այստեղ շատ լավ եմ զգում»:
Անժելա ՇԱՀՈՒՄՅԱՆ
