Օրեր առաջ համացանցում հայտնված լուսանկարիչ Artsfix-ի նոր համարձակ ֆոտոշարքը շատերի ուշադրությանն արժանացավ: Որոշ լրատվականներ, իրենց էջում տեղադրելով լուսանկարչի աշխատանքները, որակել էին որպես 18+, սակայն հեղինակի խոսքով՝ նկարներն այնքան էլ 18+ չէին, ճիշտ է, ֆոտոշարք բավականին համարձակ էր, սակայն այն ավելի շատ կարելի էր 16+ որակել, քանի որ յուրաքանչյուր կադր չափի մեջ էր: Մինչ լուսանկարների շնորհիվ որոշ լրատվականներ իրենց հերթական ռեյտինգն էին գրանցում, շատերի մոտ արդեն հետաքրքրություն էր առաջացրել հենց լուսանկարիչը` Artsfix-ը. ո՞վ էր նա և ինչպե՞ս «չամաչեց» նման ֆոտոշարքի համար: Լուսանկարների մասին պատմում է հենց լուսանկարչը՝ Արթուր Խաչատրայանը:
Նախ ինչպե՞ս ընտրեցիք լուսանկարների թեմատիկան, ինչի՞ մասին էին խոսում լուսանկարները:
Ճիշտն ասած, լուսանկարների թեմատիկան ընտրելու ժամանակ չեղավ, պարզապես արագ որոշում էր, ինչն էլ իրականացրեցի: Մինչ այդ չէի մտածել հստակ՝ ի՞նչ կարելի է անել և ինչպե՞ս ներկայացնել, և հետո պետք է ասեմ, որ այս ֆոտոշարքում ոչ բոլոր լուսանկարներն էին այդ շարքից լուսաբանվել, իսկ ընդհանուր ուշադրություն եմ դարձրել փոխանցվող էներգիայի և կրքի վրա:
Լուսանկարներից մեկում աղջիկը գրեթե ամբողջությամբ մերկ է լուսանկարված, հեշտ համաձայնության եկա՞ք, հա՞յ էր աղջիկը:
Կարդացեք նաև
Այո՛, աղջիկը հայուհի էր և նա նույնպես ցանկանում էր իրեն փորձել այդ ոճում այնպես, որ համոզելու խնդիր չի էլ եղել: Աշխատել ենք մոտավորապես մեկ ժամ և ստացել ենք այն, ինչ ունենք, կոնկրետ ոչ մի առաջադրանք դրված չի եղել:
Իսկ կային կարծրատիպեր, որոնք լուսանկարների միջոցով ուզում էիք կոտրել, ստացվեց թե՞ ոչ:
Լուսանկարելու ժամանկ ես աշխատում եմ ինձ համար, կարծրատիպերի մասին անգամ չեմ էլ մտածել, որովեհտև ես անում եմ այն, ինչ առաջին հերթին ինձ է դուր գալիս և ներկայացնում եմ արդեն ընդհանուր արդյունքը:
Միանգամից նման ֆոտոշարքով հանդես գալը Ձեզ մտահոգելու առիթ չտվե՞ց, չէ որ վերջիվերջի սա Հայաստանն է, որտեղ մարդիկ գրեթե միշտ «սրերով » են դիմավորում նման աշխատանքները, քննադատություններից չէի՞ք վախենում:
Չեմ կարծում, որ այս աշխատանքները չափազանց բաց էին: Նախ կորակեի որպես 16+ , իսկ սրեր դեռ չեն հանդիպել 🙂 : Բնականաբար քննադատական մեկնաբանություններ եղան, բայց դրական արձագանքների համեմատ դրանք մեկ տոկոս էլ չեն կազմում: Իսկ վախ ընդհանրապես չկար, քանի որ յուրաքանչյուր աշխատանքի մասին միշտ էլ հնչում է թե՛ լավը, և թե՛ վատը, այս դեպքում գերակշռողը առաջինն էր:
Իսկ նման թեմատիկայով ցուցահանդեսի մասին մտածե՞լ եք, թե՞ դեռ վաղ է:
Ո՛չ, այդ թեմատիկայով դեռ շատ վաղ է, դա նկարչության մի ոճ է, որը շատ նրբություններ ունի և ավելի շատ ջանք կպահանջվի այն ուսումնասիրելու համար, քան լուսանկարչության այլ ոճեր: 
Իսկ գուցե պատճառը ավելի մեծ մասշտաբների արձագանքնե՞րն են, որոնց դուք դեռ պատրաստ չեք:
Ամենևին, պատրաստ եմ ցանկացած տեսակի արձագանքների և այն ուղին որով դեռ պետք է անցնեմ հաջողությունների հասնելու համար, ինքս էլ գիտեմ, որ հարթ չի լինելու, այնպես որ պատրաստ եմ ամեն տեսակի մեկնաբանության:
Մի փոքր «ARTSFIX » -ի մասին. հաճա՞խ է ստացվում ճիշտ պահը ֆիքսել:
Միշտ չէ որ ստացվում է, բայց հաճախ եմ դուրս գալիս լուսանկարչության կանոններից և ֆիքսում պահը:
Իսկ որո՞նք են լուսանկարչության կանոնները, մի՞շտ եք հետևում կանոններին և արդյո՞ք դրանից չի տուժում ձեր ստեղծագործությունը:
Ընդհանուր լուսանկարչության մեջ կան կանոններ և դրանք շատ-շատ են: Լավ նկարներ անելու համար դրանք իմանալը անհրաժեշտություն է, իսկ տուժելու վերաբերյալ համամիտ եմ Ձեզ հետ, սկզբում առաջինը ուշադրություն էի դարձնում հենց կանոններին և արդյունքն այնքնան էլ գոհացուցիչ չէր : Հետևելով կանոններին՝ սկսում ես սահմանափակել քո երևակայությունը: Իսկ լուսանկարչության մեջ չկան սահմաններ, կարծում եմ՝ կարևորը ի սրտե նվիրվես արածդ գործին, շունչ տաս , հոգի և միտք դնես նրա մեջ:
Եթե հնարավորություն լիներ նորից բաց ֆոտոշարքեր անելու, հայտնիներից ու՞մ կցանկանայիք լուսանկարել:
Նատալի Փորթմանին 🙂
Իսկ ի՞նչ սպասել ապագայում, ի՞նչ պլաններ ունեք՝ կապված լուսանկարչության հետ:
Մեծ պլաններ ունեմ: Մոտակա ժամանակներում մի քանի ֆոտոշարք կլինի բնության գրկում, սակայն փակագծերը չեմ ուզում բացել, հետևեք ֆեյսբուքյան էջին և կտեսնեք:
Օվսաննա Սիմոնյան
Я НЕ ВИЖУ НИЧЕГО КРАСИВОГО И ХУДОЖЕСТВЕННОГО В ЭТИХ ФОТО , АВТОР СОВЕРШЕННАЯ БЕЗДАРНОСТЬ, Я ДАЖЕ НЕ МОГУ ЭТИ ФОТО ПРИПИСАТЬ К СТИЛЮ НЬЮ , НО ЗАТО МОГУ СКАЗАТЬ О ГЕРОИНЕ НА ЭТИХ ФОТО , ПОЧЕМУ ЖЕ ОНА НЕ ОТКРЫВАЕТ СВОЕГО ЛИЦА РАЗ НАСТОЛЬКО СМЕЛА И ИМЕЕТ ПРАВО ОПОРОЧИТЬ ИМЯ АРМЯНОК ??? АВТОРУ ФОТО И СТАТЬИ НЕ НУЖНО БЫЛО ВООБЩЕ УКАЗЫВАТЬ ЧТО ДЕВУШКА АРМЯНКА , ЛУЧШЕБ ОНА ОСТАВАЛАСЬ ПРОСТО ДЕВУШКОЙ В ОБРАЗЕ НЕПРИЛИЧНОЙ ДЕВУШКИ. А АВТОРЫ САМОЙ СТАТЬИ МОГУТ НЕ ГОРДИТЬСЯ СВОЕЙ СТАТЬЕЙ , А НАОБОРОТ ПОСТЫДИТЕСЬ ТЕМ ЧТО ВЫ СЕЕТЕ ЗЕРНО РАЗВРАТА В АРМЯНСКОЕ ОБЩЕСТВО , ИЗВРАЩАЙТЕ МОЗГ МОЛОДЕЖИ, ПРИЗЫВАЕТЕ К КУРЕНИЮ И ПРОСТИТУЦИИ , А ДЕШЕВЫЕ ФОТО ПРИРАВНИВАЕТЕ К ИСКУССТВУ .