Ազատամարտիկ Շամիր Սահակյանն այսօր Ազատության հրապարակում անժամկետ հացադուլ է սկսել՝ իր բնակության վայրի հարցը լուծելու պահանջով:
2011 թվականի հոկտեմբերի 30-ին Սահակյանը հանդիպել է Սեյրան Օհանյանին, ով հանձնարարել է բնակարան տրամադրել ազատամարտիկին: Epress.am-ի հետ զրույցում Սահակյանը պատմել է, որ հանդիպման հաջորդ օրը ՊՆ-ի սոցվարչության պետն ասել է, որ այդ բնակարանը ուրիշ տեր ունի, և ազատամարտիկը պետք է սպասի՝ մինչև այդ հարցը լուծվի:
Սահակյանի խոսքով՝ այդ ժամանակից ի վեր իրեն «տանում-բերում են, փափուկ բարձ են դնում գլխի տակ», սակայն բնակարան չեն տալիս: Մեր զրուցակիցը նշել է, որ 50 հազար դրամ թոշակ է ստանում և չի կարողանում բնակարանի վարձ վճարել:
«35 հազարը տալիս եմ տան վարձ: Եթե տան վարձ եմ տալիս, երկու երեխաներս սոված են մնում, եթե երեխաներին կերակրում եմ, պարտքեր են կուտակվում»,- ասել է Սահակյանը:
Կարդացեք նաև
Նյութի մանրամասները կարդացեք սկզբնաղբյուր կայքում
Ահա և ռոբիկա- շեռժիկա- շաշիկա- ղարաբաղաբարո Հայաստանը: Երբ Ազատամարտիկը, որը իր
կյանքը վտանգի տակ է դրել այս թափթփուկների թագավորության համար, և դիմացը ստացել այն,՝
ինչ որ նշված է,՝ ամսական ստանում է Հայաստանը լքած հաջողակ ծրագրավորողի մեկ ժամվա
աշխատավարձ: Թե ինչպւս են պաշտպանելու Ղարաբաղը նման բարոյական նորմերով,՝ անհասկանալի է: Բայց շուտ թե՛ ուշ, ինչ որ մեկը պատասխան պետք է տա, եթե ոչ երկուսը, կամ
տասներկուսը:
Առցանց Առավոտի լուրերին facebook-ով բաժանորդագրվելու համար սեղմեք